Escuela de Odio ye un grupu hardcore punk que canta polo xeneral en castellanu anque dalgunos cantares son n'asturianu. Orixinarios de La Felguera (Asturies), entamen so andadura pol panorama musical nel añu 1993.
Biografía El grupu formóse na llocalidá asturiana de La Felguera (Llangréu) nel añu 1993 como un tríu compuestu por Pirri, Rubén ya Iván. Tres de delles actuaciones pela zona, el grupu espublizó'l so primer discu en 1998 (El sueño de los que no duermen). Nel añu 2000 editaron Cuando los mudos griten, los sordos sentirán el miedo cola compañía Santo Grial Records. Esi añu Rubén dexó'l grupu y foi sustituyíu por Míchel. Grabaron un nuevu discu en 2004, depués de dellos años de poca actividá. Depués d'eso, tuvieron numberoses xires, incluyida una xira por Europa en 2006 y otra por Méxicu en 2007. En 2016 ficieron una xira por Chile y grabaron el so primer discu y DVD en direuto en Santiagu, que espublizaron dos años depués.
Ideoloxía La mayoría de les lletres del grupu traten sobre temes sociales o polítiques (como antifascismu, antimilitarismu, antiautoritarismu, anticapitalismu o asturianismu). La realidá social d'Asturies (desemplegu, protestes sociales, disturbios, probeza, desindustrialización, ...) ye'l tema más común nes lletres."Escuela de Odio, Rock reivindicativo" La Nueva España, 2015, Uviéu. El grupu canta principalmente en castellanu anque tienen dellos cantares n'asturianu.Escuela De Odio
Collaboraciones Tienen grabáu un EP con Habeas Corpus en 2010 tituláu A Dolor. Nel discu Una democracia manchada de sangre collabora nuna canción Roger Miret (Agnostic Front) y n'otra Juan Aceña (Soziedad Alkoholika).
Miembros Pirri - voz (1993-) Guti - baxu (1996-) Fonso - guitarra (1998-) Míchel - batería (2000-)
Antiguos miembros Rubén - batería (1993-2000) Ivan - guitarra (1993-1998) Marcos - guitarra Sabino - baxu Marqui - guitarra
Discografía 1995: La Escuela del Odio (maqueta) 1996: La razón del pensamiento (maqueta) 1998: El sueño de los que no duermen 2000: Cuando los mudos griten, los sordos sentirán el miedo 2004: De la esclavitud a las cenizas 2008: Quien siembra miseria, recoge la cólera 2009: Que nada nos pare (direutu) 2010: A Dolor (EP, compartíu con Habeas Corpus) 2012: Una democracia manchada de sangre 2015: Solo nos queda luchar 2017: El espiritu de las calles 2018: Chile Arde!! (direutu en Santiagu, 2016) 2018: XXV (recopilatoriu) 2021: ...Y nada más que la verdad 2026: Cuerpos muertos
Referencies
Enllaces esternos
Categoría:Grupos de rock d'Asturies Categoría:Punk Categoría:Grupos de Rock Astur Categoría:Cantantes n'asturianu