Villardebeyo ye una parroquia del conceyu de Llanera n'Asturies, que llenda colos conceyos de Xixón y Corvera.

Xeografía La parroquia tien una superficie de Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024. y una población de Nomenclátor del INE: Población del padrón continuo por unidad poblacional. (Institutu Nacional d'Estadística).. Allúgase na parte septentrional del conceyu, estremando al oeste coles parroquies de Ferroñes y Posada, al sur cola de Llugo, al oeste coles de Llugo y Pruvia y al norte colos conceyos vecinos de Corvera (parroquia de Solís) y Xixón (Serín).

Poblaciones thumb|Villabona, el llugar más pobláu de la parroquia.

Sitios

Bernardo Alonso Ablanedo, cura de San Cucao, na so Descripción del conceyu de Llanera (1804), pal Diccionariu xeográfico-históricu d'Asturies de Francisco Martínez Marina, indica que los vecinos de la parroquia de Villar de Beyo son 120 y 600 les «almes de confesión», que repártense ente les caseríes y los llugares de Beyo, Villar, La Temprana, Castiello, Piles, El Pontón, Cigoña, Vega de Formanes, Villabona y La Miranda. Posteriormente Martínez Marina, recoyó, pa la parroquia de «Villar de Beyo o Villardobeyo» los mesmos datos, únicamente elevando les almes a 700.

Según el Diccionario geográfico-estadístico de España y Portugal, de Sebastián de Miñano y Bedoya y Tomás López de Vargas Machuca, de 1828, la feligresía de «Villar de Beyo o Villardobeyo» abarcaba los llugares de Villar, La Temprana, Castiello, Piles, El Pontón, Cigoña, Vega de Formanes, Villabona y La Miranda. Asinamesmo, indica que cuntaba con 143 vecinos y 700 habitantes.

Nel Diccionariu de Madoz (1845-1850), la feligresía de «Villardobeyo» abarca los llugares de Miranda, Piles, El Pontón, Tabladiello, La Vega y Beyo y tien una población de 146 vecinos y 496 almes.

Santuarios La ilesia y el cementeriu parroquiales alcuéntrense na llocalidá de Beyo. La ilesia, baxo l'alvocación de Samiguel, foi fundada nel sieglu IX ó X, calteniendo una ventana d'esa época.

Amás de la ilesia parroquial esisten na parroquia 4 edificios dedicaos al cultu: La capilla de San Antolín, nel barriu de La Rotella de Villabona La capillade Nuestra Señora de Formanes, en La Vega (anteriormente Vega de Formanes) La capilla del Palacio de Villabona, dedicada a los Reis Magos La capilla de la Inmaculada, en La Miranda

Patrimoniu thumb|250 px|right|Les Casones, antigua residencia d'emplegaos ferroviarios. 250 px|thumb|Llavaderu en La Rotiella Dientro les llendes de la parroquia alcuéntrense diversos bienes qu'integren el patrimoniu cultural del conceyu de Llanera, d'interés históricu, arqueolóxicu, artísticu y etnográficu.

Arquiteutónicu Los bienes d'interés arquiteutónicu na parroquia son la ilesia parroquial de San Miguel, xunto cola so casa rectoral, na llocalidá de Beyo, el Palacio de Villabona, la capilla de la Inmaculada, en La Miranda, y la capilla de Nuestra Señora de Formanes, en La Vega. Toos ellos tán incluyíos nel Catálogu Urbanísticu, y los dos primeros nel Inventariu Arquiteutónicu d'Asturies.

Histórico-industrial Ye d'interés arquiteutónicu y histórico-social el conxuntu formáu pola estación de Villabona y les viviendes anexes pa ferroviarios, conocíes por Les Casones.

Arqueolóxicu D'interés arqueolóxicu son los materiales llíticos de Granda, n'Alvares, y de Barandiallu, en La Vega, asina como la estructura defensiva romana de Santufirme.

Etnográficu Les construcciones d'interés etnográficu son: La casa mariñana denomada Casa Amaro, en La Miranda, el llavaderu y bebederu de La Rotella, en Villabona, el llavaderu de la rectoral de Samguel, en Beyo y les paneres de Casa Bonifacio, en La Miranda.

Natural D'alcuerdu al Decretu 145/01, ye d'interés singular el texu allugáu xunto a la ilesia parroquial de Samiguel, en Beyo.

Víes de comunicación 250 px|thumb|right|Palaciu de Villabona y cruceru de les llinies a Xixón (inferior) y a Avilés (soperior) Pel territoriu de la parroquia discuerren dos llinies ferrovaries, d'anchor ibérico y pertenecientes a ADIF: Llión-Xixón y Villabona-San Xuan de Nieva. Nel so tarabazáu pela parroquia son de vía doblu lletrificada. Estes llinies cunten con dos estaciones de viaxeros, Villabona y Villabona-Tabladiello, nes que realicen paraes los servicios correspondientes a les llinies C1 y C3 del noyu d'Asturies de Renfe Cercaníes.

Les principales víes de comunicación, per carretera, son l'AS-17 Avilés-Riañu (Llangréu), de la rede rexonal y l'AS-325 del Alto la Miranda a Serín, local de primer orde, qu'enllaza nel Alto la Miranda cola primer. Pel postreru oriental de la parroquia discuerre l'A-66, pero ensin accesos.

Centru penitenciariu Nel monte de La Llaniza, na raya de Tabladiello y Alvares, alcuéntrase'l Centru Penitenciariu de Villabona, únicu centru penitenciariu d'Asturies.

Referencies

Plan Xeneral d'Ordenación Urbanística del Conceyu de Llanera Diccionariu de Madoz Diccionariu xeográfico-estadísticu d'España y Portugal, de Sebastián de Miñano y Bedoya y Tomás López de Vargas Machuca (1828) Diccionariu xeográfico-históricu d'Asturies, Francisco Fernández Marina Descripción del conceyu de Llanera, Bernardo Alonso Ablanedo, 21 de xineru de 1804

Enllaces esternos

Categoría:Parroquies de Llanera