Richard Serra foi un escultor minimalista d'Estaos Xuníos conocíu por trabayar con grandes pieces d'aceru corten. Estudió lliteratura na Universidá de Berkeley ente 1957 y 1961. Más sero, ente 1961 y 1964, estudió arte na Universidá de Yale. Cuando vivía na costa oeste, manteníase trabayando nuna acerería, actividá qu'influyó nel so trabayu. Tony Serra -unu de los dos hermanos- ye un famosu abogáu en San Francisco.
Obra thumb|left|200px|Fulcrum (1987) de Richard Serra, ye una escultura encargada pa la entrada oeste de la estación de Liverpool Street nel complexu Broadgate. La escultura tien 16,8 m d'altor. El trabayu más tempranu de Serra yera completamente astractu; fechu de plombu fundío aventao contra la paré d'un estudiu o d'un espaciu de la esposición, yera un claru exemplu del process art. Ye más conocíu poles sos construciones minimalistes de grandes rodiellos y de fueyes d'aceru corten. Munchos d'estos pedazos son autosuficientes y acentúen el pesu y la naturaleza de los materiales. Les sos escultures d'aceru n'esteriores lleven un procesu inicial d'oxidación pero, depués de 8 a 10 años, esti color mantiénse relativamente estable.
Premios Orde del Méritu de les Ciencies y les Artes Beca Guggenheim 1981: Goslarer Kaiserring 1991: Premiu Wilhelm Lehmbruck 1994: Praemium Imperiale 2008: Orde de les Artes y les Lletres d'España. 2010: Premiu Príncipe d'Asturies de les Artes.
Referencies
Enllaces esternos
Categoría:Escultores d'Estaos Xuníos Categoría:Persones d'Estaos Xuníos Categoría:Premiu Princesa d'Asturies de les Artes