Volver a empezar (Tornar a entamar n'asturianu) ye una película española dirixida por José Luis Garci. Foi la primera producción española n'alzase col premiu Óscar de Hollywood a la meyor película de llingua non inglesa y ún de los títulos más reconocíos de la so carrera de direutor.
Personaxes Antonio Ferrandis (Antonio Albajara) Encarna Paso (Elena) José Bódalo (Roxu) Agustín González (Gervasio Losada) Marta Fernández Muro (Carolina) Pablo Hoyos (Ernesto)
Argumentu Cuerri l'añu 1981, el famosu escritor Antonio Miguel Albajara llega a Xixón, la so ciudá natal, viniente d'Estocolmu, onde acababa de recibir el Premiu Nobel. Va más de cuarenta años qu'Albajara ye profesor de Lliteratura Medieval na Universidá de Berkeley (California). Ellí alternare la so llabor docente cola producción lliteraria que-y diere fama mundial. N'Asturies alcuéntrase con Elena, el so primer y gran amor enantes del exiliu, col so añoráu Real Sporting de Xixón y col gran collaciu, el Roxu.
Comentarios José Luis Garci rodaba per primer vegada nel Principáu d'Asturies. Los personaxes percuerren la ciudá de Xixón (incluyíu l'estadiu d'El Molinón o la estación del Norte, asina como Cuadonga, Cangues d'Onís y Cuideiru.
La película, que pasare desapercibida nun primer momentu tres de la so estrena, va tener un gran éxitu dempués gracies al premiu Oscar.
Referencies
Categoría:Películes filmaes n'Asturies