Pedro de Noronha , nietu de Fernandu I de Portugal, último rei de la Dinastia de Borgonha, foi arzobispu de Lisboa (1424-1452) y una de les figures más poderoses de la Corte de la primer metá del sieglu XV.
Biografía Pedro de Noronha, el primeru d'esti nome, yera fíu d'Alfonso Enríquez, conde de Noreña, Asturies, condáu qu'incluyía'l señoríu de Xixón, y de la so muyer la condesa Sabela de Portugal, y nietu natural paternu del rei Enrique II de Castiella y maternu del rei Fernandu I de Portugal.
Pedro de Noreña foi'l primoxénitu, teniendo como hermanos más xóvenes a Fernando de Noronha, Conde de Vila Real, Sancho de Noronha, Conde d'Odemira, y tamién Constança de Noronha, duquesa de Bragança, pol so casamientu con Afonsu I de Bragança, primer duque con ésti títulu.
Cola muerte de so padre y so madre, en 1394, Pedro y los sos hermanos, toos tovía menores, van pa Portugal, quedando al cuidáu del so tíu-güelu João I de Portugal, a instancies del que Pedro foi obispu d'Évora (1419-1423), por nomamientu del papa el 11 de xineru de 1419.
Morrió en Lisboa, sepultáu na capiella del Santísimu Sagramentu de la Sede de Lisboa. Dexó fíos illexítimos, llexitimaos por carta real (13 d'agostu de 1444), con tolos derechos como si fueren llexítimos, el más vieyu (João) d'una Isabel, y los trés siguientes (Isabel, Pedro y Fernando) de Branca Dias (Perestrello), concluyéndose per otres víes que los fíos restantes (non llexitimaos) son tamiñen de Branca Dias.
Referencies
Enllaces esternos
Categoría:Familia Noronha Categoría:Relixosos y relixoses Categoría:Persones d'Asturies