Hódmezővásárhely ye una ciudá autónoma del sur d'Hungría. Tien una población de pocu más de 48.000 habitantes. Ta asitiada a la vera del ríu Tisza.
Xeografía y clima Hódmezővásárhely ta a 25 km de Szeged, na provincia de Csongrád. Ocupa una superfície d'unes 48.000 hectárees. El so territoriu alcuéntrase a 80-85 m. sobre'l nivel de la mar.
El clima ye continental suave, con iviernos fríos y branos calorosos. La temperatura media ye de 11'6 °C. La ciudá esfruta de 2100 hores de sol al añu.
Historia El territoriu de l'actual términu municipal, taba habitáu yá dende va miles d'años. Demientres el sieglu VIII de la nuesa era, entamaron a llegar los primeros maxiares, qu'atoparon una población mayoritariamente eslava qu'escapaba de los ataques de los búlgaros. Enantes de les invasiones de los tártaros y los mongoles de 1241 había un mínimu de siete pueblos con ilesia, que desapaecieron. Dempués el territoriu foi repobláu, pero les tropes otomanes volvieron a arrasar el cotarru cuando había non menos de venti pueblos con ilesia.
Referencies
Enllaces esternos web oficial de la ciudá (n'húngaru)
Categoría:Llocalidaes d'Hungría