Amador Rodríguez Menéndez , conocíu artísticamente como Amador, foi un escultor asturianu.
Magar que nació en Ceuta, Amador considérase asturianu, ya que nesta tierra nacieron so padre y so madre y a ella vino, a Cangas del Narcea, de neñu. Estudió na Escuela de Comerciu de Xixón.
Los sos primeros pasos nel mundu artísticu dalos cola pintura, por más que ye la escultura na qu'algamará reconocimientu. Los sos primeros trabayos tienen a la figura humana como protagonista, pero alrodiu del añu 1960 abandona definitivamente la figuración, aceptando el racionalismu y les formes xeométrique pures como'l cubu o la esfera, dos series a les que dedicará buena parte del so trabayu. El reconocimientu internacional llegó-y nel añu 1972 cola so participación na XXXVI edición de la Bienal de Venecia.
Nel añu 2014, la familia del escultor donó 18 obres d'estremaes dómines del artista al Muséu de Belles Artes d'Asturies y cedió otres tres en depósitu, que vienen a completar la coleción d' Amador de la que disponía l'equipamientu cultura d'UviéuLa familia del escultor Amador dona 18 obras y deposita otras tres en el Museo de Asturias, La Nueva España, páxina 69, del 23 d'avientu de 2014
Referencies
Categoría:Escultores d'Asturies Categoría:Persones de Cangas del Narcea Categoría:Persones de Ceuta