Pilar Sánchez Vicente ye una documentalista y escritora asturiana.
Biografía Pilar ye llicenciada en xeografía y historia pola Universidá d'Uviéu. Fizo la so memoria de llicenciatura sobre La condición xurídica de la muyer na Edá Media. Ye autora de Breve historia de Asturias (Ayalga, 1986; VTP, 2006, ésta última n'asturianu). Arriendes d'esto, cuenta con numberoses publicaciones sobre documentación, turismu y mocedá. Igualmente, foi guionista y presentadora de varios programas de TVE Asturies.
La so primera incursión na novela foi con una trama d'emociones y intriga: Comadres (KRK, 2001). La so segunda obra, Gontrodo, la hija de la luna (KRK, 2005), ye una novela histórica desarrollada na Asturies del sieglu XII. En mayu del 2008 presentó la so tercer novela, La diosa contra Roma, publicada por Roca Editorial. L'añu 2010 asoleya Operación Drácula, la primer incursión de l'autora nel xéneru negru, y céntrase nes mafies rumanes dientro del mundu de la prostitución.
En 2013 espublizó la novela Luciérnagas en la Memoria, que trescurre ente España y Arxentina, y narra les aventures de dos hermanos tres la Guerra Civil Española; él, fugáu nos montes d'Asturies, y ella emigrante forzosa al otru llau de la mar.
En 2015, xunto con Luz Pontón y la ilustradora Alba F.Starczewska publica El fantásticu viaxe de Selene , primer cómic n'asturianu ya inglés.
En 2018 espubliza el llibru Mujeres errantes con Roca Editorial, nel que menta al tresformista xixonés Alberto Alonso Blanco (Rambal).
Obres La condición jurídica de la mujer en la Edad Media a través de las Partidas de Alfonso X el Sabio. (1985) Breve Historia de Asturias. Salinas: Ayalga, 1986. (Monografías de Asturias; 2), 187 pp. Guía de verano 87 para gente joven. Uviéu: Servicio de Publicaciones del Principado de Asturias, 1987. 148 pp. Comadres. Uviéu: KRK, 2001 (Colección Valkenburg) 245 pp. Gontrodo, la hija de la luna. Uviéu, KRK, 2005. (Colección Valkenburg) 306 pp Historia breve d’Asturies. (Revisada y Actualizada ) Xixón, VTP, 2006. 214 pp La Diosa contra Roma. Barcelona, Roca Editorial, 2008. 299 pp. Operación Drácula. Uviéu, KRK, 2010. 215 pp. Policiaca vs. Negra: historia de una pasión, en Literarias, revista electrónica en la páxina web de la Asociación d'Escritores d'Asturies, 2010 Y bailaré sobre su tumba, en Una noche de verano, llibru electrónicu asoleyáu pola Asociación d'Escritores d'Asturies, 2010 Luciérnagas en la Memoria, Amazon, 2012. Papel y llibru electrónicu. El fantásticu viaxe de Selene , VTP, 2015. N'asturianu ya inglés Mujeres errantes, Roca Editorial, 2018. 360 pp. La muerte es mía, Roca Editorial, 2020. (En preparación, 15 d'ochobre) La hija de las mareas, Roca Editorial, 2021.
Premios 2005. Premiu Adolfo Posada a les Iniciatives Innovadores na Alministración 2008. Premiu “8 de Marzu” concedíu pol Conseyu Comarcal de Muyeres de la Comarca de la Sidra, pola promoción de les muyeres y la so trayectoria personal, profesional y humana. Dende 2008 el Club Patín Xixón Solimar concede el premiu Pilar Sánchez Vicente a aquellos xugadores que se destaquen polos méritos académicos y culturales, amás de deportivos 2015 Premiu Timón a escritores asturianos en castellanu en reconocimientu a tola so obra. 2019 Comadre d'Oru Especial de la Tertulia Feminista Les Comadres
Referencies
Enllaces esternos Pilar Sánchez Vicente, blog personal Entrevista para Historias de la Historia
Categoría:Escritores d'Asturies Categoría:Persones de Xixón Categoría:Alumnáu de la Universidá d'Uviéu