Julio Florencio Cortázar Descotte foi un escritor, traductor y intelectual arxentín, nacíu en Bélxica y llueu nacionalizáu francés en 1981, en protesta escontra'l réxime militar arxentínCortázar, Julio (2005). Saúl Yurkievich, ed. Obras completas. Barcelona: RBA Institutu Cervantes.
, foi un de los escritores suramericanos más destacaos del sieglu XX. Destaca na so obra la novela Rayuela.
Foi ún de los autores más innovadores ya orixinales del so tiempu, maestru del rellatu curtiu, la prosa poética y la narración breve en xeneral, y creador d'importantes noveles qu'inauguraron una nueva forma de facer lliteratura nel mundu hispano, frañando los moldes clásicos per aciu de narraciones qu'escapen de la llinialidá temporal. Debío a que los conteníos de la so obra trensiten na llende ente lo real y lo fantástico, suel ponése-y en rellación col realismu máxicu ya inclusive col surrealismuFanfan Chen. Julio Cortázar:fantastique et mysticisme oriental. Études littéraires – Volume 42 No 2 – Été 2011 p. 161Cortázar, le magicien en Le Monde diplomatique. Août 2008, page 20.
Vivió tanto la infancia como l'adolescencia ya incipiente madurez n'Arxentina y, dende la década de 1950, en Europa. Residió n'Italia, España, Suiza y Francia, país au s'afitó en 1951 y nel qu'ambientó dalgunes de les sos obres.
Arriendes d'escritor, tamién foi un reconocíu traductor, oficiu que desempeñó, ente otros, pa la UnescoMarchamalo, Jesús (2011), op. cit. «El lector caprichoso», páxs. 45-63..
Obres
Novelas
1960: Los premios 1963: Rayuela 1968: 62 Modelos para armar 1973: Libro de Manuel 1986: Divertimento (escrita en 1949) 1986: El examen (escrita en 1950)
Cuentos
1951: Bestiario 1956: Final del juego 1959: Las armas secretas 1966: Todos los fuegos el fuego 1974: Octaedro 1977: Alguien que anda por ahí 1980: Queremos tanto a Glenda 1982: Deshoras 1994: La otra orilla (escritu ente 1937 y 1945).
Refencies
Categoría:Escritores d'Arxentina Categoría:Escritores en castellanu