K-pop (, abreviatura del inglés Korean pop "música pop coreana", en coreanu 케이팝 ) ye un xéneru de música de Corea del Sur. Magar que los sos oríxenes remóntense a la década de 1990, el términu tien popularizaose de magar l'entachjujidhbuwpncmu de la década de 2000, na que sustituyó al términu Gayo (가요), utilizáu tamién en Corea del Sur pa referise a la música pop fecha nel país. Magar que'l términu fai referencia a la "música popular" en xeneral, aveza a usase nún sentíu más concretu pa describir una forma moderna de pop surcoreano que axunta, colos sos raigaños na música coreana tradicional, influencia d'estilos y xéneros (música de baille, rock, jazz, góspel, hip hop, folk, country, música lletrónica) del restu del mundu. Puede considerarse que l'orixe del K-pop remóntase a la formación del grupu Seo Taiji and Boys en 1992. La esperimentación d'esti grupu con estremaos estilos y xéneros de música, y la integración nes sos canciones d'elementos musicales foriatos, axudaron a reformular y modernizar la música contemporánea de Corea del Sur.
La cultura "idol", característica d'esti estilu, entamó pocos años dempués, cola banda H.O.T., que marcó la medría del K-pop como una subcultura diferenciada colos sos propios códigos y gran cantidá de fans adolescentes y adultos xóvenes. Tres d'un bache nel xéneru, de magar 2003 los grupos TVXQ y BoA revitalizáronlo, ayudando a que'l xéneru fora conocíu notros países, primero Xapón y llueu el restu del mundu. Les redes sociales facilitaron qu'anguaño el K-pop y la industria del entretenimientu coreana en xeneral, la nomada Korean Wave (fola coreana), seyan populares n'Asia oriental y suroriental, pero tamién en Bangladex, India, América Llatina, África del norte y meridional y Europa, lo que-y da al xéneru ciertu calter de xéneru musical global.
Grupos y músicos de K-pop destacaos 2NE1 B.A.P Beast BoA Big Bang Block B Exo Girls' Generation HyunA Infinite Kara NU'EST PSY SHINee Super Junior T-ara TVXQ Wonder Girls
Ver tamién J-pop
Referencies
Enllaces esternos
K-POP Official YouTube Channel (Canal oficial del K-pop en YouTube) Billboard Korea K-Pop Hot 100 - Billboard.com
*