Ivo Livi, llamáu Yves Montand, foi un cantante y actor francés d'aniciu italianu. Nació'l 13 d'ochobre de 1921 en Monsummano Terme, na Toscana (Italia), morrió'l 9 de payares de 1991 en Senlis (Oise), en Francia.
Familia Ivo Livi, fíu de Giovanni y Giuseppina Livi (1893-1971), nació'l 13 d'ochobre de 1921 en Monsummano Alto, na Toscana, un añu anantes de la llegada al poder de Benito Mussolini (el 31 d'ochobre de 1922) ya la puesta en marcha del réxime fascista. Ye l'últimu d'una familia de tres neños (la so hermana Lydia nacida en 1915, el so hermanu Giuliano — Julien — (1917-1994)). Ye descendiente d'una familia obrera y militante, que venerará tola so vida, y que-y tresmitirá'l so afectu pol comunismu.
Mocedá En 1923, Ivo nun tien más quje dos años cuando la so familia fuxe de la Italia fascista y emigra hacia Francia. Los Livi instálense nos barrios probes de Marsella. El padre d'Ivo crea une pequeña fábrica d'escobess. Los dos fíos mayores dexen ceo la escuela pa ganase la vida: Lydia conviértese en peluquera y el so hermanu Julien camareru de café, y ferviente militante comunista. La neñez d'Ivo ye difícil tanto material como moralmente. ye consideráu como un « immigrante rital ». Ye nesti tiempu cuando s'apasiona pol cine y especialmente poles comedies musicales americanes, en particular poles del so ídolu Fred Astaire y los sos númberos de claquetes.
Par decretu de 8 de xineru de 1929, la familia Livi algama la nacionalidá francesa y Ivo conviértese n'Yves. En 1932, so padre Giovanni vese obligáu declarar en quiebra la fábrica familiar d'escobes. Yves tien onee años y ye nidiamente más altu que la media de los eños de la so edá cuando falsifica los sos papeles pa facese contratar nuna fábrica de pastes, (la llei prohibía'l trabayu anantes de los catorce años)Rémi Raemackers, 2011, fascículu cofre CD Yves Montand Ce monsieur-là, páxina 4. Será tovía repartidor, después , puis camareru, anantes de cumplir los catorce años aprendiz de peluqueru nel salón de peluquería pa muyeres onde trabaya la so hermana Lydia, y pasa con éxitu un Certificáu d'aptitú profesional (CAP) de peluqueru. Trabayaría mas alantre nos diques de Marsella.
Carrera En 1938, a la edá de diecisiete años, algama un puestu de « peluqueru de sala » nun cabaret de music-hall de Marsella. Darréu, participa nun espectáculu que na primera parte acueye a los debutantes. Canta C'est la vie, de Trenet; Boum, de Chevalier, On est comme on est y fai imitaciones de Fernandel y de personaxes de Walt Disney. L'organizador acuéyelu y aconséyalu d'atopar un nome d'escena. Yves Livi conviértese n' Yves Montant - escrito entós con una t - nomatu escoyíu n'acordanza de so madre. N'efeutu, nuna mezcla d'italianu y de francés, ella dixo-y, col fin de qu'él dexara'l so apartamentu: « Ivo, monta »Rémi Raemackers, 2011, fascículu cofre CD Yves Montand Ce monsieur-là, páxina 3.
Yves trabaya la so puesta n'escena con Francis Trottebas - alias Berlingot - y fai dellos cursos de cantu con Marguerite Francelli a partir del branu de 1937. El debutante, de xemes en cuando, consigue dellos compromisos; sobre escena, ta acompañáu al piano por Mado, la fía del so profesor de cantu. Les sos gales llévenlu a veces a Narbona y Toulouse y, nos principios de 1940, el so nome atrae al públicu. Montand ambiciona entós pasar al Alcazar de Marsella. Pa ello, tien necesidá d'un repertoriu orixinal. Hubert Melone, alias Charles Humel, un autor-compositor ciegu, escribe-y dos cantares: Y'a du swing partout, que nun grabará enxamás, y Dans les plaines du Far-West, que será'l so primer gran éxituRémi Raemackers, 2011, fasciculu cofre CD Yves Montand Ce monsieur-là, páxines 6 y 7
Montand y la política El so aniciu proletariu d'un mediu pro-comunist foi primero un motivu d'explotación pa la so carrera de cantante(J'aime flâner sur les grands boulevards, Luna Park), pero afalagó bien ceo'l so compromisu políticu, imprimiendo protestes, fervor, llucidez (el reconocimientu la so ceguera delantre del estalinismu) y de la so fidelidá a los ideales de izquierda: en 1973, decide subir a escena pa sofitar al pueblu chilenu, compromisu filmáu por Chris Marker en La Solitude du chanteur de fond.
Ye l'actor principal de la triloxía de Costa-Gavras denunciando los estremismos: Z (1969), onde interpreta a Grigoris Lambrakis, un diputáu d'izquierda asesináu polos fascistes, que llevará al réxime de los coroneles en Grecia ; L'Aveu (1970) onde encarna al vice-ministru checu Artur London encarceláu pol réxime comunista ; État de siège (1972) onde ye un axente americanu, inspiráu en Dan Mitrione, conseyeru d'un réxime militar sudamericanu, secuestráu pola estrema izquierda.
A pesar del so compromisu públicu, nunca perteneció a nengún partíu políticu, pero foi militante del Movimientu de la Paz y de los Derechos Humanos.
Filmografía 1944 : Étoile sans lumière de Marcel Blistène : Pierre 1945 : Silence...antenne de René Lucot - cortometraxe - 1946 : Les Portes de la nuit de Marcel Carné : Diego 1948 : L'Idole d'Alexandre Esway : Fontana 1949 : La Ville et ses chansons de Jacques Planche - cortometraxe- 1950 : Souvenirs perdus de Christian-Jaque : Raoul, nel sketch : Un violon 1951 : Paris est toujours Paris (Parigi è sempre Parigi), de Luciano Emmer - únicamente canciu 1951 : L'Auberge rouge de Claude Autant-Lara (non acreitáu, nun apaez más que pola so interpretación de la narración cantada) 1951 : Mon ami Pierre de Paula Neurisse y Louis Félix - Únicamente'l comentariu - 1952 : Paris chante toujours ! de Pierre Montazel : él mesmu 1953 : Le Salaire de la peur d'Henri-Georges Clouzot : Mario 1953 : Etoiles au soleil de Jacques Guillon - él mesmu - cortometraxe - 1954 : Quelques pas dans la vie (Tempi nostri) d'Alessandro Blasetti y Paul Paviot : Vasco 1954 : L'Air de Paris de Marcel Carné - Únicamente la voz - 1955 : Les héros sont fatigués d'Yves Ciampi : Michel Rivière 1955 : |Napoléon de Sacha Guitry : Mariscal Lefebvre 1955 : Marguerite de la nuit de Claude Autant-Lara : M.Léon 1956 : Hommes et loups (Uomini e lupi) de Giuseppe De Santis : Ricuccio 1957 : La Rose des vents (Die Windrose) de Joris Ivens y Yannick Bellon, nel sketch : Un matin comme les autres - Yves 1957 : Les Sorcières de Salem de Raymond Rouleau : John Proctor 1957 : Un dénommé Squarcio (La grande strada azzurra) de Gillo Pontecorvo : Giovanni Squarcio 1958 : Premier mai (Festa di maggio) de Luis Saslavsky : Jean Meunier 1958 : Les Vikings - (The Vikings) de Richard Fleischer - Únicamente la narración - 1959 : La Loi (La Legge) de Jules Dassin : Matteo Brigante 1959 : Django Reinhardt de Paul Paviot : voz n'off recitando 1960 : Le Milliardaire (Let's Make Love) de George Cukor : Jean-Marc Clément / Alexander Dumas 1961 : Sanctuaire (Sanctuary) de Tony Richardson : Candy 1961 : Aimez-vous Brahms ? (Goodbye Again) d'Anatole Litvak : Roger Demarest 1962 : Ma geisha (My Geisha) de Jack Cardiff : Paul Robeix 1963 : Le Joli Mai de Chris Marker - Únicamente la narración - 1965 : Compartiment tueurs de Costa-Gavras : l'inspector Grazziani, llamáu "Grazzi" 1966 : La Guerre est finie d'Alain Resnais : Diego Mora 1966 : Paris brûle-t-il ? (Is Paris Burning?) de René Clément : Marcel Bizien 1966 : Grand Prix de John Frankenheimer : Jean- Pierre Sarti 1966 : Rotterdam Eurosport de Joris Ivens - cortometraxe, únicamente la narración - 1966 : Le Cours d'une vie de Jean Desvilles y Jacques d'Arribehaude- cortometraxe, únicamente la narración - 1966 : Louis Lecoin de (desconocíu) - cortometraxe, únicamente la narración - 1967 : Vivre pour vivre de Claude Lelouch : Robert Colomb 1968 : Un soir, un train d'André Delvaux : Mathias 1969 : Mister Freedom de William Klein : le Capitaine Formidable 1969 : Z de Costa-Gavras : el diputáu 1969 : Le Diable par la queue de Philippe de Broca : el barón César 1969 : L'Aveu de Costa-Gavras : Gérard 1969 : Le Deuxième Procès d'Arthur London de Chris Marker - mediometraxe 1969 : Jour de tournage de Chris Marker - cortometraxe - 1969 : Dieu a choisi Paris de Gilbert Prouteau - Únicamente la voz - 1970 : Melinda (On a Clear Day You Can See Forever) de Vincente Minnelli : Marc Chabot 1970 : Le Cercle rouge de Jean-Pierre Melville : Jansen 1971 : La Folie des grandeurs de Gérard Oury : Blaze 1972 : Tout va bien de Jean-Luc Godard : Jacques 1972 : César et Rosalie de Claude Sautet : César 1973 : Le Fils de Pierre Granier-Deferre : Ange Orahona 1972 : État de siège de Costa-Gavras : Philip Michael Santore 1973 : Les Deux Mémoires de Jorge Semprún - Únicamente la narración - 1974 : La Solitude du chanteur de fond de Chris Marker (documental) 1974 : Le Hasard et la violence de Philippe Labro : Laurent Bermann 1974 : Vincent, François, Paul... et les autres de Claude Sautet : Vincent 1974 : T'es fou Marcel de Jean Rochefort - cortometraxe - 1974 : Una mariposa en la noche d'Armando Bo - cortometraxe, únicamente la voz - 1974 : Vive la France de Michel Audiard - documental, únicamente la voz - 1975 : Section spéciale de Costa-Gavras (simple aparición) 1975 : Le Sauvage de Jean-Paul Rappeneau : Martin 1976 : Police Python 357 d'Alain Corneau : inspector Marc Ferrot 1977 : Le Grand Escogriffe de Claude Pinoteau : Morland 1977 : Jacques Prévert de Jean Desvilles - cortometraxe documental: únicamente'l comentariu - 1977 : La Menace d'Alain Corneau : Henri Savin 1977 : Le Fond de l'air est rouge de Chris Marker 1978 : Les Routes du sud de Joseph Losey : Jean Larréa 1979 : Clair de femme de Costa-Gavras : Michel 1979 : I... comme Icare d'Henri Verneuil : procurador Henri Volney 1981 : Le Choix des armes d'Alain Corneau : Noël Durieux 1982 : Tout feu, tout flamme de Jean-Paul Rappeneau : Victor Valance 1983 : L'Été meurtrier de Jean Becker - Canciu únicamente - 1983 : Garçon ! de Claude Sautet : Alex 1985 : Tempête de neige sur la jungle de Jacques-Yves Cousteau - documental, únicamente'l comentariu - 1986 : Jean de Florette de Claude Berri : César Soubeyran llamáu "Papet" 1986 : Manon des sources (suite de Jean de Florette) Claude Berri : César Soubeyran llamáu "Papet" 1987 : Beyond therapy de Robert Altman - únicamente la voz - 1988 : Trois places pour le 26 de Jacques Demy : él mesmu 1991 : Netchaïev est de retour de Jacques Deray : Pierre Marroux 1992 : IP5 : L'île aux pachydermes de Jean-Jacques Beineix : Léon Marcel
El nome de César ta varies veces presente na so filmografía, podemos citar, por orde cronolóxicu: El barón César de Le Diable par la queue de Philippe de Broca. En La folie des grandeurs de Gérard Oury, ye Blaze, el sirviente de Don Salluste/Louis de Funès, que lu fai asumir la personalidá del tunante César. César, el machu xenial de César et Rosalie, de Claude Sautet, con Rosalie/Romy Schneider. Y finalmente, el Papet César Soubeyran de Marcel Pagnol, nos films de Claude Berri, Jean de Florette y Manon des sources.
Referencies
Categoría:Actores y actrices de Francia Categoría:Cementeriu de Père Lachaise