Peligru mariellu (dacuando Horror mariellu) ye una metáfora del color de la raza que s'anició nel sieglu XIX, pa ufiertar dende occidente una imaxe de les persones orientales y establecer una diferencia de raza clara colos mesmos occidentales. Esta imaxe creá de los orientales, tuvo principalmente, una considerancia negativa escontra ellos (anque s'usó de diverses formes en función de lo que la situación riquía), y foi usada como escusa y sida pal tratu políticu, económicu y militar d'occidente. Les causes de la mesma, fueron tantu la puxanza de nueves potencies como Xapón, vista con rocea dende Europa, como la importación masiva de mano d'obra china a dellos países como Estaos Xuníos, Sudáfrica, Nueva Zelanda, etc, lo que xeneró una reacción de refuga de la población d'estos países.
El términu ta motiváu principalmente pol desconocimientu de la población occidental sobre Asia, y estructuróse como una imaxe prexuiciosa, utilizada como arma política y cultural, y delimitada por una perspeutiva eurocentrista. Refierse a una construcción ideolóxica con un enfoque claru y conveniente que sirvía sobre manera pa definir lo propio (occidental) frente a lo distintu (oriental). ).Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p. 29 Tamién se refier al mieu y/o a les creencies irracionales de que les sociedaes d'Asia Oriental atacaríen y habría guerra coles sociedaes occidentales por que, finalmente, unos acabaren colos otros consiguiendo l'aniquilación total de les sociedaes y cultures contraries.
Orixe del conceutu El "peligru mariellu" como sentimientu acomuñábase, muncho primero de que'l términu fuera acuñáu, a Atila, al Gran Tamerlán o a les invasiones mongoles. La so representación más famosa amuesa a les naciones europees dibuxaes como belles muyeres que dende un altu monte reparen con esmolición a un Buda levitando na llonxanza. Yera productu del desasosiegu que provocaba la desproporción tan grande ente los pocos occidentales dominadores y los munchos orientales apoderaos, y por eso señalábase la rexón onde esa desproporción yera mayor, nes zones más habitaes del planeta.Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.30
L'orixe de la frase remóntase al sieglu XIX. Munches de les fontes acrediten al Kaiser Wilhelm II d'acuñar el peligru mariellu" (alemán: gelbe Gefahr) y d'ordenar la creación de la famosa imaxe de les muyeres y Buda qu'anició l'alvertencia del peligru oriental en 1895.G. G. Rupert, The Yellow Peril or, the Orient versus the Occident, Union Publishing, 1911, p. 9 El Kaiser ordenó colgar el dibuxu en tolos barcos de la llinia América-Hamburgu p'alvertir a tola población.Daniel C. Kane, introduction to A.B. de Guerville, Au Japon, Memoirs of a Foreign Correspondent in Japan, Korea, and China, 1892-1894 (West Lafayette, IN: Parlor Press, 2009), p. 39 El dibuxu indica la necesidá d'Occidente de crear un enemigu. El fechu de que fuera la muyer alemana la que señalara esi Buda reflexa una política imperial de Berlín que buscaba abasnar a los demás países na concienciación de l'amenaza.Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.30.
Wilhelm camudó d'opinión dempués de la so abdicación na Primer Guerra Mundial, cuando entró en conflictu col restu de potencies Europees, diciendo que nun tendría de fadiase n'alvertir a Europa del peligru mariellu, y afirmando qu'Alemaña tendría de tar más en sintonía con Oriente, que colos pueblos europeos como Francia ya Inglaterra,John C. G. Röhl (1996). The Kaiser and his Court: Wilhelm II and the Government of Germany. Translated by Terence F. Cole (reprint, illustrated ed.). Cambridge University Press. p. 13. ISB que demostraren la so falta de pureza como raza blanca al aceptar la igualdá racial que se taba produciendo nos sos países, y eponderando a Oriente como los nuevos defensores de la raza pura.Daniel C. Kane, introduction to A.B. de Guerville, Au Japon, Memoirs of a Foreign Correspondent in Japan, Korea, and China, 1892-1894 (West Lafayette, IN: Parlor Press, 2009), p. 39
En 1898, l'escritor británicu MP Shiel publicó una serie de cuentos titulaos "La emperatriz de la Tierra". La novela editada más tarde llamóse "El Peligru Mariellu". La novela de Shiel xira redolada nel asesinatu de dos misioneros alemanes en Kiau-Tschou en 1897 y cuenta col villanu chinu, el doctor Yen How. Esta va ser unu de los referentes de la influencia del “peligru mariellu” na cultura occidental.
Per otru llau, la denominación de raza “mariellos” que s'axudicó a los asiáticos provién tamién d'esta dómina y de esa necesidá d'estremalos de la raza caucásica. El color mariellu pa designar a la raza mongoloide, foi asignáu más coles mires de clasificar que de describir y, verdaderamente, nes narraciones sobre los xaponeses de los sieglos XVI y XVII nun s'atopa nenguna referencia a él. Amás, Occidente nun podía dexase perder el monopoliu de un color de piel qu'implica pureza, virtú o decoro y a los habitantes d'Estremu Oriente atribuyóse-yos otru distintu, el mariellu, que ta acomuñáu colo vieyo y con lo decadente ya inclusive cola enfermedá. La asignación de esti color, a última hora, obedecía a la necesidá de simplificar la división de los pueblos del mundiu ente los civilizaos y los que taben por civilizar y de que la raza dominadora tuviera n'esclusiva una carauterística que connotara la so superioridá sobre les demás.Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.30
L'escritor de ciencia ficción William F. Wu teoriza nel so llibru de 1982 "El peligru mariellu: los americanos chinos na ficción americana, 1850-1940", que la medrana a los asiáticos remóntase a la invasión mongola na Edá Media, mientres l'Imperiu Mongol. "Los europeos creíen que los mongoles taben invadiéndo-yos masivamente, pero en realidá, solamente montaben a caballu bien rápido", escribe. La mayoría de los europeos nunca vieren a un asiáticu antes, y el duru contraste nel llinguaxe y l'aspeutu físicu causó probablemente más escepticismu que colos inmigrantes transcontinentales. "Creo que la forma en que se víen teníen enforma que ver cola paranoya", diz Wu.Lisa Katayama: Comment (29 August 2008). "The Yellow Peril, Fu Manchu, and the Ethnic Future". Io9.com.
Usu a lo llargo de la Historia Unu de los aspeutos que caractericen al peligru mariellu” ye la galbana y el desinterés real al recurrir a él, al ser un conceutu que nun ta encontáu nuna conocencia fonda de les distintes sociedaes asiátiques y toma una diversidá enorme de pueblos y cultures mongoloides so un mesmu estereotipu. Esta ambigüedá, dexó que'l so usu fuera diversu a lo llargo de la historia, usándolo positiva o negativamente en función de les necesidaes d'occidente al respective de distintos países d'Asia.
“Esta asimilación amuesa diverses carauterístiques de la rellación d'Occidente con Asia, como son el prestu perceptual, la frivolidá, l'interés pol reflexu de lo propio o'l desdexamientu políticu .Yá que yera tan complicáu conocer el so mundiu, refugábase buscar esplicaciones complicaes o faer indagaciones fondes pa desentrañar les duldes, porque una de les carauterístiques de les visiones d'estos pueblos ye precisamente la so superficialidá. Por espresalo d'otra forma, nun había interés porque dexaren de ser orientales. L'exoticismu salvaba les conciencies occidentales; con saber unos pocos datos yera suficiente”Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.34.
Variabilidá del conceutu “La versatilidad de la imaxe, dexaba aplicala a cualquier clase de desafíu, empezando pola raza mongoloide y siguiendo por cualesquier pueblu en presunta actitú amenazadora, yá fuera distintu no xeográfico como no cultural, “mariellu” o non. El términu yera aplicáu, por tanto, non yá a tou aquel que tuviera los güeyos resgaos, sinón tamién a los indios ya inclusive a los rusos, que non yá yeren blancos, rubios munchos d'ellos, y nun teníen los güeyos resgaos, sinón qu'inclusive compartíen la mesma cultura cristiana.
La idea venía definida pol receptor occidental, más que por esi mariellu” tan peligrosu, yera la imaxe que cualquier persona tenía cuando se falaba de dalgún país alloñáu con una actitú amenazadora, yá fuera Xapón, la XRSS, la India.Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.30.
Amás de señalar les posibles amenaces militares o culturales a la civilización occidental, el peligru mariellu” tamién sirvía pa otru tipu d'intereses, como los comerciales. Sobre manera en cuanto los empresarios xaponeses empezaron a conquistar segmentos de mercáu nes colonies europees arriendes de la crisis de 1929.
Los productos xaponeses convirtieron-se nuna competencia indeseable pa los gobiernos coloniales cuando empezaron a desbancar les esportaciones de les metrópolis. Esto provocó que los gobiernos coloniales empezaren a llevantar barreres escontra la penetración comercial xaponesa.Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.31.
Nun mercáu que siempres s'había consideráu propiu por Occidente, el peligru mariellu” yera más un reflexu del poder blancu, que quería caltener los sos privilexos, frente a l'alternativa mariella, que nesti casu representaba a Xapón, pero non al restu de “mariellos” que vivíen nos países colonizaos, amosando una vegada más como l'usu del términu variaba en función de les necesidaes occidentales.
Otru de los usos que se-y dio al peligru mariellu” dende Occidente, foi'l de describir a los gobiernos ensin controlar por ellos mesmos como especialmente déspotes y autoritarios, métodu utilizáu pa xustificar el mesmu colonialismu, que pasó a definise col llamáu “despotismu asiáticu”, afirmando que la vida de les persones tenía escasu valor ante los tiranos gobernantes orientales, calificaos de déspotes y autoritarios.
El despotismu asiáticu” sirvó sobremanera pa xustificar la necesidá de colonizar esos países y faer ver a los ciudadanos de los países colonizaos la necesidá de que se siguiera per esa vía pa nun ser sometíos por un dictador oriental. Tamién sirvió pa xustificar la puxanza económica de Xapón como daqué por cuenta de la opresión a la que taben sometíos los sos habitantes y polo tanto la supuesta ventaya sobre occidente pola falta d'igualdá de condiciones.Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.31.
Col despotismu asiáticu, reforzábase la idea de la superioridá blanca” frente a les races inferiores”. Los imperios coloniales, al sostener que se debía “humanizar” a esos pueblos y que lo meyor pa ellos yera ser empuestos por un pueblu civilizáu que los llevara pel camín del progresu, convencer a sigo mesmos y a dellos apoderaos de lo conveniente del so dominiu, usando esa imaxe del oriental pa llograr un beneficiu políticu.Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p.32