Locustella fluviatilis o tamién conocíu como Buscala fluvial ye una especie d'ave paseriforme de la familia Locustellidae que vive en Eurasia y África.
Descripción La buscala fluvial mide alredor de 15 cm de llargu. El so picu ye finu y apuntiáu y la so cola llarga. Los sos partes cimeros son de color pardu buxu y llises, ente que les sos partes inferiores son ablancazaes, col pechu veteado en pardu buxu y les coberteras inferiores de la cola tamién pardes coles puntes blanques, dándo-y un aspeutu escamado a la zona. Suel presentar una llista superciliar clara difusa. Los dos sexos tienen un aspeutu similar, y los xuveniles tienen les partes inferiores más amarellentaes.
Dellos individuos presenten un escamado so la cola menos evidente, al tener les llistes blanques de les puntes de les coberteres más anches, colo que tienen un aspeutu más paecíu a la buscala unicolor, anque esta nun tien el pechu veteado y la coloración de les sos partes cimeros ye más verdosa.Normaja, Jyrki (1994) Plumage variation in River Warblers Birding World 7(5): 192-5
El so cantar ye un chirrido rápidu y monótonu similar al de les billorios, con frecuencia emitíu al anochecer y en series llargues.
Distribución y hábitat Ye un páxaru migratoriu que cría n'Europa Central y Oriental y l'oeste d'Asia y viaxa al sureste d'África pa pasar l'iviernu. Anque esisten delles poblaciones que se reproducen nel nordeste d'África. N'Europa Occidental ye un divagante raru.
Suel vivir nos montes caducifolios cercanos a l'agua, alredor de los banzaos o ríos.
Comportamientu
Aliméntase d'inseutos. Añera nel suelu ente la vexetación trupa onde suel poner ente 5-7 güevos.
Ye una especie torna y malo de ver, sacante cuando canta. Suel escondese ente la yerba y les carbes baxes.
Referencies
Enllaces esternos Semeyes en www.naturlichter.com
Fluvialis Categoría:Aves d'Europa Categoría:Aves d'Asia Categoría:Aves d'África Categoría:Aves migratories Categoría:Animales descritos en 1810