110 Virginis (110 Vir / HD 133165 / HR 5601 / HIP 73620)110 Virginis (SIMBAD) ye una estrella na constelación de Virgu asitiada cuasi na llende con Serpens Caput. Tien magnitú aparente +4,40 y alcuéntrase a 184 años lluz del Sistema Solar.
110 Virginis ye una xigante naranxa de tipu espectral K0.5IIIb110 Virginis (The Bright Star Catalogue) con una temperatura superficial de 4700 K. La so lluminosidá ye 79 vegaes mayor que la del Sol y tien un radiu 13 vegaes más grande que'l radiu solar. Ye una estrella de carauterístiques asemeyaes a otres xigantes naranxes más conocíes como Menkent (θ Centauri), Nash (γ2 Sagittarii) o α Monocerotis, toes elles más brilloses por tar más cerca de la Tierra. La velocidá de rotación de 110 Virginis ye de 2,24 km/s. Clasificada como una posible estrella variable (NSV 20230), estudios subsiguientes nun confirmaron dicha variabilidá.
Les variaciones na velocidá radial de 110 Virginis amuesen una periodicidá de 512 díes, magar nun ye posible estremar si dicha variación débese a mecanismos intrínsecos (pulsaciones de la mesma estrella) o estrínsecos (presencia d'una compañera subestelar).
Referencies
Categoría:Estrelles Categoría:Xigantes naranxes Categoría:Constelación de Virgu