20 Monocerotis (20 Mon / HD 54810 / HR 2701) ye una estrella na constelación de Monoceros —el unicorniu— de magnitú aparente +4,92. Alcuéntrase a 211 años lluz del Sistema Solar.
20 Monocerotis ye una xigante naranxa de tipu espectral K0III20 Mon - star (SIMBAD) con una temperatura efectivo llixeramente cimera a 4700 K. Tien un diámetru 12 vegaes más grande que'l del Sol,20 Monocerotis (Catalogue of Stellar Diameters, CADARS) (Pasinetti-Fracassini+ 2001) asemeyáu al d'otres xigantes naranxes más conocíes como Pólux (β Geminorum) o Menkent (θ Centauri). Relluma con una lluminosidá 62 vegaes mayor que la lluminosidá solar y tien una masa envalorada de 2,1 mases solares. Nun esiste unanimidá tocantes a la so edá; ente que pa un estudiu ye una estrella con una antigüedá cimera a los 6000 millones d'años, otru amenorga drásticamente esta cifra a menos de 1000 millones d'años.
20 Monocerotis ye una estrella de baxa metalicidá; la so bayura relativa de fierro ye un terciu de la que tien el Sol ([Fe/H] = -0,47). Esti emprobecimientu ye patente na mayor parte de los elementos, ente ellos itriu, bariu, lantanu y ceriu; otros elementos tales como praseodimiu, neodimio y sobre manera europiu, entá siendo menos abondosos que nel Sol, amuesen conteníos relativamente más elevaos.
Referencies
Categoría:Estrelles Categoría:Xigantes naranxes Categoría:Constelación de Monoceros