31 Aquilae (31 Aql / b Aquilae / HD 182572 / HR 7373)31 Aquilae (SIMBAD) ye una estrella na constelación del Águila de magnitú aparente +5,16. Alcuéntrase a 49,4 años lluz del Sistema Solar.
31 Aquilae ye una subxigante mariella de tipu espectral G8IV que la so temperatura efectivo ye de 5580 K. Con una lluminosidá cercana al doble de la lluminosidá solar, el so radiu ye un 35% más grande que'l del Sol, confirmando'l so estatus de subxigante. Xira sobre sigo mesma con una velocidá de rotación proyeutada de 2,2 km/s. Daqué menos masiva que'l Sol —con una masa alredor de les 0,95 mases solares—, ye una estrella antigua con una edá averada de 10.000 millones d'años.31 Aquilae (Stars, Jim Kaler)
L'interés principal de 31 Aquilae anicia nel so eleváu conteníu metálico, condición que comparte con Azmidiske (ξ Puppis) y α Indi. La so bayura relativa de fierro ye 2,40 vegaes mayor que nel Sol; otros elementos como siliciu, titaniu y níquel amuesen una «sobreabundancia» similar, siendo especialmente notable'l conteníu de sodiu, que triplica'l del Sol. El conteníu de litiu ye 6 vegaes mayor que na nuesa estrella, lo cual nun ye d'estrañar considerando que'l Sol, en rellación con otres estrelles, paez tar emprobecíu nesti metal.
Dos estrelles de magnitú +8,7 y +10,3, visualmente a cuasi 2 minutos d'arcu, pueden tar físicamente rellacionaes con 31 Aquilae. Per otra parte, ye posible que 31 Aquilae seya una estrella variable, recoyida nel New Catalogue of Suspected Variable Stars como NSV 11994.
Referencies
Categoría:Estrelles Categoría:Subxigantes Categoría:Constelación d'Aquila