36 Ophiuchi (36 Oph / HIP 84405) ye un sistema estelar na constelación d'Ophiuchus asitiáu a 19,5 años lluz del Sistema Solar. Alcuéntrase nel estremu sur de la constelación, al sur de θ Ophiuchi.
36 Ophiuchi ye un sistema estelar triple onde la componente C orbita en redol al par interior formáu por A y B. 36 Ophiuchi A (GJ 663 A / HD 155886 / HR 6402)36 Ophiuchi A (SIMBAD) ye una nana naranxa de tipu espectral K0V que la so temperatura ye de 5100 K. Asemeyáu a α Centauri B, relluma con una lluminosidá correspondiente al 28% de la lluminosidá solar. Tien una masa de 0,85 mases solaresThe one hundred nearest star systems (RECONS) y un radiu equivalente al 81% del radiu solar. La so metalicidá, basada na so bayura en fierro, ye aproximadamente la metá que nel Sol.
36 Ophiuchi B (GJ 663 B / HD 155885 / HR 6401)36 Ophiuchi B (SIMBAD) tien unes carauterístiques físiques cuasi idéntiques a 36 Ophiuchi A, magar ye una estrella daqué más fría de tipu K1V. La órbita de la estrella binaria AB ye bien escéntrica (ε = 0,922), variando la separación real ente los dos componentes dende 7 UA hasta 169 UA; el so periodu orbital ye de 570 años. El periodu de rotación de dambes estrelles ye d'aproximadamente 21 díes; probablemente, la interaición ente elles ralentizó les velocidaes de rotación. Les dos estrelles tienen cromosferes actives. Variaciones na velocidá radial de 36 Ophiuchi B suxirieron la presencia d'un compañeru subestelar, que la so masa sería 8 vegaes mayor que la del planeta Xúpiter, n'órbita alredor d'esta estrella; anguaño piénsase que diches variaciones son debíes a la gran actividá cromosférica de la estrella.
36 Ophiuchi C (HD 156026 / GJ 664)36 Ophiuchi C (SIMBAD) orbita alredor de la binaria AB a una distancia entendida ente 4370 y 5390 UA. Ye tamién una nana naranxa de tipu K5V catalogada como variable RS Canum Venaticorum, recibiendo la designación de variable V2215 Ophiuchi. La so lluminosidá equival a 0,087 soles, siendo la so masa'l 71% de la masa solar y el so radiu'l 72% del radiu solar. D'alcuerdu al so periodu de rotación —13,4 díes—, la edá del sistema, envalorada per aciu xirocronoloxía, ye de 590 ~ millones d'años.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Estrelles variables Categoría:Variables RS Canum Venaticorum Categoría:Constelación d'Ophiuchus