45 Draconis (45 Dra / d Draconis) ye una estrella de magnitú aparente +4,78d Dra -- Star (SIMBAD) asitiada na constelación de Draco. D'alcuerdu al nuevu amenorgamientu de los datos de paralax del satélite Hipparcos, alcuéntrase a 649 pársecs —2118 años lluz— del Sistema Solar, magar la midida trai un error de ± 235 años lluz.
Carauterístiques 45 Draconis ta catalogada como una superxigante mariella de tipu espectral F7Ib. Tien una temperatura efectivo de 6201 K y el so diámetru, envaloráu a partir del so rellumu superficial, ye 62 vegaes más grande que'l del Sol.45 Draconis (CADARS) 6H Xira sobre sigo mesma con una velocidá de rotación proyeutada —componente de la velocidá radial que depende del enclín del eje de la estrella al respective de la llinia de visión— de 10 km/s. Anque ye una estrella masiva con una masa de 7,5 ± 0,5 mases solares, ta per debaxo de la llende a partir del cual les estrelles acaben españando como supernoves. Tien una edá ente 33 y 42 millones d'años.
Composición química 45 Draconis presenta una metalicidá daqué inferior a la del Sol ([Fe/H] = -0,09). Como la mayor parte de les superxigantes de tipu A y F, amuesa una sobreabundancia significativa de nitróxenu ([N/H] = +0,42). Dichu escesu puede tener el so orixe nel amiestu inducíu por rotación, cuando les estrelles, enantes d'evolucionar, yeren estrelles de la secuencia principal de tipu B.
Referencies
Categoría:Estrelles Categoría:Constelación de Draco