54 Leonis (54 Leo / HIP 53417) ye una estrella binaria na constelación de Leo, asitiada mui cerca de la llende cola vecina Leo Minor. El sistema, conocíu tamién como ADS 7979, alcuéntrase a 289 años lluz de distancia del Sistema Solar.
Los dos componentes del sistema, visualmente a unos 7 segundos d'arcu, tienen una separación real averada de 620 UA. 54 Leonis A (HD 94601 / HR 4529), la componente más brillosa, tien magnitú aparente +4,50.54 Leonis A (SIMBAD) Ye una estrella blanca de la secuencia principal de tipu espectral A1V. 107 vegaes más lluminosa que'l Sol, tien un radiu casi'l doble que'l radiu solar. La so velocidá de rotación proyeutada ye de 165 km/s, siendo este una llende inferior. Les sos carauterístiques físiques son asemeyaes a les de Chertan (θ Leonis), na mesma constelación, cola salvedá de qu'esta postrera tópase cuasi a la metá de distancia al respective de nós.
La otra componente del sistema, 54 Leonis B (HD 94602 / HR 4260), tien magnitú aparente +6,30.54 Leonis B (SIMBAD) Como la so compañera, ye una estrella blanca de la secuencia principal, anque de tipu A2Vn. Unes 5 vegaes menos lluminosa que la so compañera, el so radiu ye un 20% mayor que'l radiu solar y xira sobre sigo mesma a una velocidá de 217 km/s, 109 vegaes más apriesa que'l Sol.
Referencies
Categoría:Estrelles Categoría:Estrelles blanques de la secuencia principal Categoría:Estrelles binaries Categoría:Constelación de Leo