70 Pegasi (70 Peg)70 Pegasi - Star (SIMBAD) ye una estrella na constelación de Pegasu. De magnitú aparente +4,55, ye'l decimonovenu astru más brillosu na so constelación. Alcuéntrase a 164 años lluz del Sistema Solar, siendo'l error en tala midida d'un 4,2%.70 Pegasi. Extended Hipparcos Compilation (XHIP) (Anderson+, 2012)
Carauterístiques 70 Pegasi ye una xigante mariella de tipu espectral G7III. Con una temperatura efectivo de 5045 ± 29 K, ye 42 vegaes más lluminosa que'l Sol. Modelos teóricos dan-y un radiu nueve vegaes más grande que'l radiu solar, polo que, dientro de les xigantes, nun ye de les de mayor tamañu. Al igual qu'otres estrelles asemeyaes, xira amodo sobre sigo mesma con una velocidá de rotación proyeutada de 1,5 km/s. La so masa averada ye 2,5 vegaes mayor que la del Sol y la so edá envalórase en 1040 millones d'años. A diferencia de munches otres xigantes, pue tar fundiendo yá'l heliu del so nucleu internu.
70 Pegasi ye una estrella binaria, anque nada se sabe sobre la so compañera estelar.
Composición química 70 Pegasi tien una metalicidá daqué mayor que la solar ([Fe/H] = +0,06). Práuticamente tolos elementos estudiaos son sobreabundantes en rellación al Sol, destacando'l ceriu, 2,2 vegaes más abondosa que na nuesa estrella. Ye relevante'l so eleváu conteníu de nitróxenu ([N/H] = +0,39), el segundu más altu dientro un estudiu qu'abarca 34 xigantes.
Referencies
Categoría:Estrelles Categoría:Estrelles binaries Categoría:Constelación de Pegasu