AA Tauri (AA Tau / GCRV 55202 / HBC 63) ye una estrella que s'atopa na constelación de Tauru a unos 450 años lluz de distancia del Sistema Solar.
Carauterístiques De magnitú aparente +12,82, AA Tauri tien tipu espectral M0V:y.AA Tauri (SIMBAD) Ye una nueva estrella T Tauri, que la so edá ye de menos d'un millón d'años.Spitzer Finds Organics and Water Where New Planets May Grow (NASA) Adoptando una temperatura efectivo de 4000 K, la so masa equivaldría al 80% de la masa solar y la so lluminosidá al 80% de la que tien el Sol. El so radiu ye un 85% más grande que'l radiu solar y el so periodu de rotación ye de 8,4 díes.
Ta clasificada como variable Orión, variando'l so rellumu ente magnitú +12,2 y +16,10.AA Tauri (General Catalogue of Variable Stars)
Discu protoplanetariu Cola ayuda del Telescopiu Espacial Spitzer afayóse la esistencia d'un discu protoplanetariu alredor d'AA Tauri. Compuestu mayoritariamente por gas, detectóse la presencia de trés molécules orgániques nel material que forma'l discu: cianuru d'hidróxenu, acetilenu y dióxidu de carbonu, amás de vapor d'agua. Coles mesmes, la cantidá d'estos compuestos ye mayor nel discu que na nube molecular de gas interestelar a partir de la cual formóse el discu. Ello evidencia una química orgánica activa dientro del mesmu, formando estes molécules y aumentando el so conteníu.
Según el descubridores, el fechu d'atopar grandes cantidaes de cianuru d'hidrógeno —sustancia precursora na formación d'aminoácidos— nuna estrella qu'acaba de nacer, suxer que les posibilidaes de formación de molécules complexes rellacionaes con nuesa mesma bioloxía son enforma mayores de lo que s'imaxinaba.
Referencies
Enllaces esternos 12-03-2008
Categoría:Estrelles Categoría:Estrelles T Tauri Categoría:Estrelles variables Categoría:Variables Orión Categoría:Constelación de Tauru