AF Draconis (AF Dra / 73 Draconis / HD 196502 / HR 7879) ye una estrella variable na constelación del Dragón. De magnitú aparente media +5,19, alcuéntrase a 417 años lluz de distancia del Sistema Solar.
Clasificada de tipu espectral A0p,AF Dra - Variable Star of alpha2 CVn type (SIMBAD) la lletra p indica qu'AF Draconis ye una estrella químicamente peculiar, una clase d'estrelles que presenten sobreabundancia de dellos elementos —estronciu, cromu y europiu nel casu d'AF Draconis— ya intensos campos magnéticos. El campu magnéticu efectivu <Be> d'AF Draconis algama los 492 G.
La so temperatura efectivo foi envalorada en 8500 K, magar otra fonte alza tala cifra hasta los 8842 K, consecuencia de la dificultá d'evaluar esti parámetru nesta clase d'estrelles. Con un radiu 4,8 vegaes más grande que'l radiu solar, el so periodu de rotación ye de 20,3 díes. Relluma con una lluminosidá 120 vegaes mayor que la del Sol y ye 2,87 vegaes más masiva qu'ésti. Evidencia un conteníu relativo de fierro manifiestamente cimeru al del Sol ([Fe/H] = +0,28). La so edá envalórase en 370 millones d'años y ta a puntu de concluyir la fusión nuclear d'hidróxenu nel so nucleu.
Catalogada como variable Alfa2 Canum Venaticorum, el so rellumu bazcuya ente magnitú +5,15 y +5,22 a lo llargo d'un periodu de 20,2747 díes.AF Draconis (General Catalogue of Variable Stars)
Referencies
Categoría:Estrelles Categoría:Estrelles variables Categoría:Variables Alfa2 Canum Venaticorum Categoría:Constelación de Draco