Al Thalimain Posterior (ι Aquilae / ι Aql / 41 Aquilae) ye una estrella na constelación del Águila de magnitú aparente +4,35.Iota Aquilae (SIMBAD) Comparte'l nome d'Al Thalimain con λ Aquilae a pesar de que la separación visual ente dambes ye de 8º. El nome, proveniente de l'antigua tradición árabe, procede del términu الثالمين ath-thalīmain, que'l so significáu ye «los dos avestruces». La pallabra Posterior utilizóse pa indicar que nel so movimientu aparente al traviés del cielu ι Aquilae sigue a λ Aquilae.
Asitiada a 307 años lluz del Sistema Solar, Al Thalimain Posterior apaez catalogada como una xigante azul de tipu espectral B5III.Iota Aquilae (The Bright Star Catalogue) Con una temperatura superficial de 14.020 K, relluma con una lluminosidá 445 vegaes superior a la lluminosidá solar. La so velocidá de rotación ye de 73 km/s —siendo ésti una llende inferior, una y bones lo que se repara ye la velocidá proyeutada—, completando un xiru en menos de 2,5 díes. El so diámetru y la so masa son, respeutivamente, 3,6 y 4,3 vegaes mayores que los del Sol; esti últimu parámetru amuesa qu'Al Thalimain Posterior nun ye en realidá una estrella xigante sinón una estrella que la so enerxía provién de la fusión del so hidróxenu internu, con una edá averada de namái 140 millones d'años.Al Thalimain Posterior (Stars, Jim Kaler)
Clasificada como una estrella doble, Al Thalimain Posterior tien una compañera visual de magnitú 13 separada 43 segundos d'arcu. La so velocidá de separación ye, sicasí, demasiao grande por que constituyan un verdaderu sistema binariu.
Referencies
Categoría:Estrelles Categoría:Constelación d'Aquila