Alfa Mensae (α Men / HD 43834 / HR 2261)Alfa Mensae (SIMBAD) ye la estrella más brillosa na constelación de Mensa con magnitú aparente +5,08. Ye la más tenue ente toles estrelles «Alfa» de les distintes constelaciones. Al tar nuna constelación menor y ser namái de quinta magnitú, nun tien nome propiu.
Alfa Mensae ye una nana mariella de tipu espectral G7V en munchos aspeutos similar al nuesu Sol. Con una temperatura superficial llixeramente inferior al de la nuesa estrella —5560 K—, el so radiu equival al 84% del radiu solar. Relluma col 80% de la lluminosidá solar y tien una masa de 0,93 mases solares. Al igual que'l Sol, Alfa Mensae rota amodo, con un periodu de rotación de 32 díes, una selmana más que nel casu del Sol. La so edá envalórase ente 7.000 y 10.000 millones d'años, frente a los 4.600 millones d'años d'edá de la nuesa estrella.Alpha Mensae (Stars, Jim Kaler)
Anque nun s'afayó nengún planeta estrasolar al so alredor, Alfa Mensae tien una elevada metalicidá —un 25% mayor que la del Sol—, datu que polo xeneral se rellaciona cola esistencia de compañeros subestelares. Alcuéntrase a 33 años lluz de distancia del Sistema Solar.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Mensa