BK Camelopardalis (BK Cam) ye una estrella de magnitú aparente +4,73HR 985 -- Be Star (SIMBAD)BK Camelopardalis (The Bright Star Catalogue) encuadrada na constelación boreal de Camelopardalis, la xirafa. Alcuéntrase a una distancia de 762 años lluz, d'alcuerdu al nuevu amenorgamientu de los datos de paralax del satélite Hipparcos (4,28 ± 0,48).
BK Camelopardalis ye una estrella blancu-azulada de la secuencia principal de tipu espectral B2.5Vne. Tien una temperatura superficial, una vegada correxida pol escurecimientu gravitatoriu, de 20.843 K. El so radiu envaloráu ye 4,5 vegaes más grande que'l del SolCatalogue of Stellar Diameters (CADARS) (Pasinetti-Fracassini+ 2001) y xira sobre sigo mesma con una velocidá de rotación proyeutada de 341 km/s. L'enclín del so exa de rotación al respective de la llinia de visión ye de 66,7º. Tien una masa de 7,5 mases solares y una edá de 31,6 ± 5,1 millones d'años.
BK Camelopardalis ye una estrella binaria, que la so duplicidá foi resuelta per aciu interferometría de moteáu. Ye una estrella Be y amosaba variaciones espectroscópicas con un periodu d'aproximadamente 4,5 años, enantes d'entrar nun estáu d'inactividá que duró de 1938 a 1961. Tópase arrodiada por una envoltura gruesa en llonxitúes d'onda del infrarroxu. Amás, paez ser llixeramente variable —la so amplitú de variación sería de 0,057 magnitúes— al curtiu plazu (0,108 díes).
Referencies
Categoría:Estrelles Categoría:Estrelles variables Categoría:Variables Gamma Cassiopeiae Categoría:Constelación de Camelopardalis