Edasich o Ed Asich (ι Draconis / 12 Draconis / HIP 75458)iot Dra -- Variable Star (SIMBAD) ye la sesta estrella más brillosa de la constelación de Draco, con magnitú aparente +3,29. Alcuéntrase a 103 años lluz del Sistema Solar.
Nome El nome de Edasich provién del árabe Al Ḍhibaʼ o Al Dhīḣ que'l so significáu ye «hiena machu».
En China yera conocida como Tsao Choo, «el pivós esquierdu». Xunto a Altais (δ Draconis), π Draconis, ρ Draconis y Alsafi (σ Draconis) formaba Tien Choo, «la cocina celestial».
Carauterístiques físiques Edasich ye una xigante naranxa de tipu espectral K2III y 4490 K de temperatura efectivo. Relluma con una lluminosidá 70 vegaes mayor que la lluminosidá solar. La midida del so diámetru angular —3,73 milisegundos d'arcu— dexa conocer que'l so diámetru ye 13 vegaes más grande que'l del Sol. Presenta un conteníu metálico superior a la solar ([Fe/H] = +0,16) y —como la mayor parte de les estrelles de la nuesa redolada— ye una estrella del discu finu.
Tocantes al so estáu evolutivu, Edasich posiblemente tea aumentando'l so rellumu como estrella xigante con un nucleu inerte d'heliu nel so interior. Siendo'l so metalicidá y masa similares a los del Sol, puede contemplase a Edasich como'l futuru de la nuesa estrella dientro d'unos 6000 millones d'años. Col tiempu Edasich va perder la mayor parte de la so actual masa per aciu un intensu vientu estelar que va espulsar les sos capes esternes d'hidróxenu y heliu al espaciu interestelar, fase que se denomina nebulosa planetaria. La resultancia última va ser una nana blanca de tamañu asemeyáu al de la Tierra.
A pocu más de 4 minutos d'arcu de Edasich puede reparase una tenue estrella (HD 238461) de magnitú +8,78.HD 238461 -- Star in double system (SIMBAD) De tipu espectral K7, paez nun tar gravitacionalmente xunida a Edasich, coincidiendo a cencielles na mesma llinia de visión.Edasich (Stars, Jim Kaler)
Sistema planetariu
En 2002 afayóse un planeta estrasolar, llamáu Edasich b, orbitando alredor de Edasich. Muévese nuna órbita bien escéntrica que fai que la separación ente estrella y planeta fluctúe ente 0,39 y 2,1 UA. De masa indeterminao, pero a lo menos 8,8 vegaes la de Xúpiter, puede tratase d'un xigante gaseosu o d'una nana marrón, completando una órbita alredor de la estrella cada 1,4 años.HIP 75458 (The Estrasolar Planets Encyclopaedia) Foi'l primer cuerpu subestelar descubiertu alredor d'una estrella xigante.
Ver tamién Llista de planetes estrasolares
Referencies
Categoría:Estrelles Categoría:Xigantes naranxes Categoría:Sistemes planetarios Categoría:Planetes estrasolares Categoría:Constelación de Draco