Épsilon Pavonis (ε Pav)Epsilon Pavonis (SIMBAD)Epsilon Pavonis (The Bright Star Catalogue) ye una estrella na constelación del Pavu. De magnitú aparente +3,95, ye la quinta estrella más brillosa de la mesma dempués de Peacock (α Pavonis), β Pavonis, δ Pavonis y η Pavonis.
Épsilon Pavonis falta 106 años lluz del Sistema Solar y ye una estrella blanca de la secuencia principal de tipu espectral A0Va que les sos carauterístiques son asemeyaes a les de Vega (α Lyrae) o Algorab (δ Corvi). La so enerxía provién de la fusión nuclear d'hidróxenu nel so nucleu internu y tien una temperatura superficial de 9896 K. 24 vegaes más lluminosa que'l Sol, el so radiu ye 2 vegaes más grande que'l del mesmu.Epsilon Pavonis. Catalogue of Stellar Diameters (CADARS) (Pasinetti-Fracassini+ 2001) La so velocidá de rotación ye igual o mayor de 85 km/s.
Con una masa de 2,2 ± 0,1 mases solares, la edá de Épsilon Pavonis envalórase en 5,3 millones d'años. Presenta un conteníu metálico llixeramente inferior al del Sol ([M/H] = -0,04). Utilizando'l preséu MIPS del satélite Spitzer, detectóse escesu na radiación infrarroxo qu'emite a 70 μm, anque non a 24 μm.
Referencies
Categoría:Estrelles Categoría:Estrelles blanques de la secuencia principal Categoría:Constelación de Pavu