Eta Aquilae (η Aql / η Aquilae / 55 Aquilae / HD 187929)Eta Aquilae - Classical Cepheid (delta Cep type) (SIMBAD) ye una estrella variable na constelación d'Águila que s'atopa a unos 1180 años lluz del Sistema Solar. Antaño formaba parte de la constelación d'Antínoo, güei refugada.
Eta Aquilae ye una superxigante mariella de tipu espectral F6Iab, 3400 vegaes más lluminosa que'l Sol con un radiu ente 61 y 65 vegaes más grande que'l d'ésti. El principal interés d'Eta Aquilae anicia en que ye una variable cefeida que la so variabilidá ye conocida dende 1784. La so magnitú aparente varia ente +3,6 y +4,6 nun periodu de 7,176641 díes (7 díes, 4 hores, 14 minutos y 22 segundos). Xunto con Mekbuda (ζ Geminorum), Beta Doradus y W Sagittarii ye una de les cefeides más prominentes; la mesma estrella y la variación del so rellumu pueden reparase a simple vista.Eta Aquilae (Stars, Jim Kaler)
Como otres cefeides, Eta Aquilae ta nes etapes finales de la so vida, magar que la so edá ye de namái 26 millones d'años. Nesta fase de la so evolución la estrella ye inestable, produciéndose pulsaciones que faen que la estrella varie en tamañu y temperatura. El so tipu espectral camuda de F6 a G, lo que trai una cayida de la so temperatura de 6200 K a 5300 K. A midida que evolucione, van cesar los sos pulsaciones, va espulsar les sos capes esteriores y finalmente va terminar la so vida como una nana blanca más pequeña que la Tierra.
Ver tamién Llista d'estrelles más grandes conocíes Llista d'estrelles variables
Referencies
Categoría:Estrelles Categoría:Superxigantes marielles Categoría:Estrelles variables Categoría:Variables Cefeides Categoría:Constelación d'Aquila