Eta Indi (η Indi)Eta Ind -- Star (SIMBAD) ye una estrella na constelación d'Indus. De magnitú aparente +4,52, ye la quinta estrella más brillosa en dicha constelación, dempués de α, β, θ y δ Indi.
Asitiada a 79 años lluz de distancia del Sistema Solar, Eta Indi ye una subxigante blanca de tipu espectral A9IV, enantes clasificada como A7III-IV-A9.HR 7920 (The Bright Star Catalogue, 5th Revised Ed) Tien una temperatura efectivo de 7400 ± 20 K y la so lluminosidá ye 7,2 vegaes superior a la lluminosidá solar. El so radiu ye un 64% más grande que'l del Sol y xira sobre sigo mesma con una velocidá de rotación proyeutada —llende inferior de la mesma— de 122 km/s. Con una masa de 1,62 mases solares, tien una edá envalorada de 250 ± 200 millones d'años.
Eta Indi tien un conteníu metálico 2,5 vegaes superior a la solar ([M/H] = +0,40). Observaciones llevaes a cabu col Telescopiu espacial Spitzer nun detectaron un escesu nel infrarroxu que evidencie la presencia d'un discu circumestelar de polvu y escombros.
Referencies
Categoría:Estrelles Categoría:Subxigantes Categoría:Constelación de Indus