Gamma Doradus (γ Dor / HD 27290 / HR 1338)Gamma Doradus (SIMBAD) ye la tercera estrella más brillosa de la constelación de Doráu dempués de α Doradus y β Doradus, con una magnitú aparente de +4,26. Alcuéntrase a 66 años lluz de distancia del Sistema Solar.
Gamma Doradus ye una estrella blancu-mariella de la secuencia principal de tipu espectral F1V —dacuando clasificada F0-F5V— y 7000 K de temperatura na so superficie. La so lluminosidá ye ente 6 y 7 vegaes mayor que la lluminosidá solar. A partir de la so lluminosidá y temperatura envalórase una masa pa Gamma Doradus 1,6 vegaes mayor que la masa solar y un radiu 1,7 vegaes más grande que'l del Sol.
Gamma Doradus ye una estrella variable que'l so rellumu fluctúa ente +4,23 y +4,27,Gamma Doradus (VizieR, SIMBAD) mientres dos ciclos de 17,5 y 18,1 hores,Gamma Doradus (Stars, Jim Kaler) siendo'l prototipu d'una clase de variables que lleven el so nome, variables Gamma Doradus. Son estrelles de menor masa y lluminosidá que les variables Delta Scuti y presenten periodos de variación más llargos qu'éstes. Paez que los mecanismos de variación son distintes en dambos tipos.
Referencies
Categoría:Estrelles Categoría:Estrelles variables Categoría:Variables Gamma Doradus Categoría:Constelación de Doráu