Gamma Sagittae (γ Sge / 12 Sagittae / HD 189319)Gamma Sagittae (SIMBAD) ye la estrella más brillosa de la constelación de Sagita, la flecha. Asitiada na punta de la mesma, la so magnitú aparente ye +3,51. Alcuéntrase a 274 años lluz del Sistema Solar.
Gamma Sagittae ye una xigante colorada de tipu espectral M0III (dacuando clasificada como de tipu K) unes 640 vegaes más lluminosa que'l Sol. El so radiu, calculáu a partir de la midida del so diámetru angular por interferometría (6,18 milisegundos d'arcu), ye 55 vegaes más grande que'l radiu solar, o lo que ye lo mesmo, 0,26 UA. Tien una temperatura superficial de 4000 K. Con una masa unu 2,5 vegaes mayor que la masa solar, envalórase que la so edá ye de 750 millones d'años, bien inferior a los 4600 millones d'años d'edá del nuesu Sol. A diferencia d'ésti últimu, empezó la so vida siendo una estrella blancu-azulada de tipu B9, enantes de convertise na estrella xigante que vemos na actualidá. Anque agora ye llixeramente variable, en non muncho tiempu va convertir nuna variable Mira y va rematar la so vida como una nana blanca.Gamma Sagittae (Stars, Jim Kaler)
Referencies
Categoría:Estrelles Categoría:Xigantes coloraes Categoría:Estrelles variables Categoría:Constelación de Sagita