GJ 1224 (G 154-44 / LHS 3359)GJ 1224 -- Flare Star (SIMBAD) ye una estrella de magnitú aparente +13,61 cercana al Sistema Solar, yá que s'atopa a una distancia de 24,6 años lluz. Ta encuadrada na constelación de Serpens, na rexón de Serpens Cauda, mui cerca de la llende con Saxitariu.
GJ 1224 ye una nana colorada de tipu espectral M4.5V que la so temperatura efectivo ye notablemente distinta según la fonte consultada —2711 o 3200 K—. De rellumu tenue, tien una lluminosidá bolométrica —en toles llonxitúes d'onda— igual al 0,44% de la lluminosidá solar. El so radiu equival al 18% del radiu solar y xira sobre sigo mesma con una velocidá de rotación proyeutada inferior a 3 km/s. De bien baxa masa, ésta apenes supón el 14,8% de la masa solar. Tien un fluxu magnético superficial intensu, de 2700 G, y el so campu magnéticu superficial ye d'aproximadamente 2000 G.
GJ 1224 ye aproximadamente 2,5 vegaes más lluminosa que Proxima Centauri, la nana colorada más cercana al Sol, y, al igual qu'ella, ye una estrella acandilante. Nestes variables prodúcense grandes fogarales qu'impliquen aumentos sópitos ya impredicibles de rellumu, medría que tien llugar en tol espectru electromagnéticu. Amás de Luyten 726-8, prototipu de la clase, Ross 154 y EV Lacertae son dos conocíos exemplos d'estrelles acandilantes.
Referencies
Categoría:Estrelles Categoría:Nanes coloraes Categoría:Estrelles acandilantes Categoría:Constelación de Serpens