GJ 3483 (WD 0806-661 / LTT 3059)GJ 3483 -- White Dwarf (SIMBAD) ye un sistema binariu compuestu por una nana blanca y una nana marrón. De magnitú aparente +13,70, ta encuadráu na constelación de Volans y alcuéntrase a 62,5 años lluz del Sistema Solar.
Nana blanca La componente principal de GJ 3483 ye una nana blanca de tipu espectral DQ4.2, siendo'l heliu l'elementu predominante na so atmósfera. Les nanes blanques son remanentes estelares que nun xeneren enerxía por fusión nuclear, sinón que radien al esterior l'escesu de calor a un ritmu constante, polo que col tiempu la so temperatura superficial va baxando. GJ 3483 tien una elevada temperatura efectivo de 10.250 ± 70 K y una edá —como remanente estelar— de 670 millones d'años. Piénsase que la estrella proxenitora tenía una masa de 2,0 ± 0,3 mases solares y que permaneció na secuencia principal mientres 1300 millones d'años, polo que GJ 3483 tien una edá total ente 1500 y 2700 millones d'años. La so lluminosidá equival al 0,15% de la lluminosidá solar y tien una masa de 0,62 ± 0,03 mases solares.
Nana marrón La nana marrón del sistema, denomada GJ 3483 B, tien una masa ente 10 y 13 vegaes la masa de Xúpiter y una temperatura igual o inferior a 400 K, lo que la convierte nuna de les nanes marrones más fríes que se conocen. La separación proyeutada ente los dos oxetos ye de 2500 UA. Si asumir qu'esta distancia correspuende al semiexe mayor de la órbita, cuando GJ 3483 taba na secuencia principal, la separación orbital ente dambos yera de 780 UA aproximao.
Referencies
Categoría:Estrelles Categoría:Nanes blanques Categoría:Nanes marrones Categoría:Constelación de Volans