Gliese 349 (GJ 349 / HD 82106 / HIP 46580)LHS 2147 -- High proper-motion Star (SIMBAD) ye una estrella de magnitú aparente +7,22. Ta encuadrada na constelación d'Hidra cerca de la llende con Leo, a pocu más de 2º de 10 Leonis. Tópase asitiada a 41,4 años lluz del Sistema Solar. La nana colorada Gliese 361 alcuéntrase a 7 años lluz d'ella.Stars within 15 light-years of Bonner Durchmusterung +6°2182 (The Internet Stellar Database)
Gliese 349 ye una nana naranxa de tipu espectral K3V, una estrella de la secuencia principal que llogra la so enerxía a partir de la fusión del hidróxenu. Más fría que'l Sol —la so temperatura superficial ye de 4419 K— relluma con una lluminosidá nel espectru visible equivalente al 18% de la lluminosidá solar.Bonner Durchmusterung +6°2182 (The Internet Stellar Database) De carauterístiques físiques similares a les de ε Indi, pero casi cuatro veces más alloñada qu'ésta, tien el 79% de la masa solar y el so diámetru correspuende al 73% del que tien el Sol.
Gliese 349 xira sobre sigo mesma con una velocidá de rotación proyeutada de 4,1 km/s, siendo'l so periodu de rotación de 13,30 díes. Estos valores dexen envalorar la so edá por xirocronoloxía, amosando que Gliese 349 ye una nueva estrella de 435 millones d'años d'edá. El so índiz de metalicidá ([Fe/H] = -0,15), revela un conteníu metálico —entendiendo por metales aquellos elementos más pesaos que'l heliu— inferior a la solar.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Constelación d'Hidra