Gliese 680 (GJ 680 / HIP 86057 / CD-48 11837)Gliese 680 (SIMBAD) ye una estrella na constelación d'Ara, l'altar, asitiada visualmente a pocu más de 1º de λ Arae. Con magnitú aparente +10,14, nun ye visible a simple vista. Anguaño alcuéntrase a una distancia de 31,9 años lluz, y el so máximu acercamientu al Sistema Solar va tener llugar dientro de 184.000 ~ años, cuando se va averar a menos de 15 años lluz.
Gliese 680 ye una nana colorada de tipu espectral M3V con una temperatura superficial de 3540 K, bien asemeyáu a otres nanes de la nuesa redolada como Struve 2398 A, Gliese 628 o Gliese 687. El so radiu ye la metá del radiu solarGliese 680, Catalogue of Stellar Diameters (CADARS) (Pasinetti-Fracassini+ 2001) y tien una lluminosidá nel espectru visible equivalente al 0,74% de la lluminosidá solar; sicasí, si inclúyese la radiación infrarroxo emitida —importante nuna estrella de les sos carauterístiques—, la so lluminosidá bolométrica xube hasta'l 3,3% de la que tien el Sol. Ye posible que seya una estrella variable, recibiendo la denominación de variable provisional NSV 9166.
El sistema estelar conocíu más cercanu a Gliese 680 ye 41 Arae, distante 3,7 años lluz.Stars within 15 light-years of Cape Photographic Durchmusterung -48°9312 (The Internet Stellar Database)
Referencies
Categoría:Estrelles Categoría:Nanes coloraes Categoría:Estrelles variables Categoría:Constelación d'Ara