Gliese 892 (HD 219134 / HR 8832 / LHS 71 / BD+56 2966)Gliese 892 (SIMBAD) ye una estrella na constelación de Cassiopeia de magnitú aparente +5,57. Alcuéntrase narexón noroeste de la constelación, al oeste de Schedar (α Cassiopeiae) y Caph (β Cassiopeiae), y al sur de la nebulosa NGC 7635.
Gliese 892 alcuéntrase a namái 21,26 años lluz del Sistema Solar, siendo una de les estrelles brilloses —entendiendo como tales aquelles que nun son nanes coloraes— más cercanes. De tipu espectral K3V, ye una nana naranxa más pequeña y tenue que'l Sol, asemeyáu a Gliese 783 A y Gliese 105 A. La so lluminosidá equival a un 28% de la lluminosidá solar y tien un radiu de 0,77 radios solares. Amuesa una metalicidá cimera a la solar ([Fe/H] = +0,09); otros elementos como magnesiu, níquel, siliciu y especialmente titaniu son tamién «sobreabundantes» en rellación al Sol. Nun se detectó escesu nel infrarroxu nin a 24 μm nin a 70 μm, lo que paez refugar la presencia d'un discu de polvu al so alredor. La so masa envalórase en 0,79 mases solares y la so edá puede superar los 12.000 millones d'años. Acordies cola base de datos SIMBAD, Gliese 892 ye una estrella acandilante.
Les sos carauterístiques y la so relativa proximidá a la Tierra fixeron de Gliese 892 unu de los oxetivos de los proyeutos Darwin y Terrestrial Planet Finder (TPF) pa la busca de planetes terrestres na llamada zona de habitabilidad. Les estrelles que tien más cerca son Achird (η Cassiopeiae), a 4,9 años lluz, y EV Lacertae, a 6,3 años lluz.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Estrelles acandilantes Categoría:Constelación de Cassiopeia