GZ Velorum (GZ Vel / HD 89682 / HR 4063 / HIP 50555) ye una estrella variable na constelación de Vela, la vela del Argo Navis. De magnitú aparente media +4,58, ta aproximadamente a 1830 años lluz de distancia del Sistema Solar.
GZ Velorum ye una xigante lluminosa naranxa de tipu espectral K3II.GZ Vel - Pulsating variable Star (SIMBAD) Tien una temperatura superficial de 4140 K y una lluminosidá bolométrica —qu'inclúi una importante cantidá d'enerxía emitida nel infrarroxu— 9240 vegaes mayor que la del Sol. La midida del so diámetru angular correxida pol escurecimientu de llimbu —3,17 ± 0,04 milisegundos d'arcu— dexa envalorar de forma averada el so radiu, dada la incertidume na distancia a la que s'atopa. Asina, el so radiu ye unes 191 vegaes más grande que'l radiu solar, lo qu'equival a 0,89 UA; si tuviera nel llugar del Sol la so superficie estenderíase cuasi hasta la órbita de la Tierra. El so metalicidá —bayura relativa d'elementos más pesaos que'l heliu— ye inferior a la del Sol ([Fe/H] = -0,4) y presenta un conteníu baxo de litiu. Tien una masa averada 7,9 vegaes mayor que la masa solar.
GZ Velorum ye una variable irregular de tipu LC, ente les que se cunten ο1 Canis Majoris y Suhail (λ Velorum), esta postrera tamién na constelación de Vela. El rellumu de GZ Velorum, en banda R, varia ente magnitú +3,43 y +3,81, nun esistiendo periodu conocíu.GZ Vel (General Catalogue of Variable Stars)
Ver tamién Llista d'estrelles variables
Referencies
Categoría:Estrelles Categoría:Estrelles variables Categoría:Variables irregulares Categoría:Constelación de Vela