HD 147506 (HIP 80076 / HAT-P-2) ye una estrella na constelación d'Hércules de magnitú aparente +8,71.HD 147506 -- Star (SIMBAD) En mayu de 2007 anuncióse'l descubrimientu d'un planeta estrasolar alredor de esta estrella.
HD 147506 ye una temprana subxigante mariella de tipu espectral F8HD 147506 (Jumk.de/astronomie) y 6290 K de temperatura, más caliente y lluminosa que'l Sol. Con un radiu ente un 40% y un 80% más grande que'l radiu solar y una lluminosidá 4,25 vegaes mayor que la del Sol, les sos carauterístiques físiques nun son bien distintes a les de Zavijava (β Virginis). El menor rellumu de HD 147506 ye por cuenta de que ta unes 12 vegaes más alloñada qu'ésta, a unos 440 años lluz del Sistema Solar. La so edá envalórase en 2400 ± 1400 millones d'años.
Sistema planetariu
El planeta estrasolar detectóse dientro del proyeutu HATNet al reparase'l tránsitu astronómicu per delantre de la estrella. Denomináu HAT-P-2b, ye'l planeta de «tránsitu» más masivu descubiertu hasta'l momentu. Tien unes 9 vegaes la masa de Xúpiter y un diámetru llixeramente cimeru a la d'ésti. El so periodu orbital ye de namái 5,63 díes.HAT-P-2 (The Estrasolar Planets Encyclopaedia) La gran escentricidá de la órbita (ε = 0,52) puede debese a la presencia d'un segundu planeta masivu alloñáu, que s'atoparía en resonancia orbital con HAT-P-2b.Alan MacRobert, “New Worlds roundup,” Sky and Telescope, agostu de 2007, p. 15
Ver tamién Llista de planetes estrasolares
Referencies
Categoría:Estrelles Categoría:Subxigantes Categoría:Planetes estrasolares Categoría:Constelación d'Hércules Categoría:Sistemes planetarios