HD 169830 (HR 6907 / HIP 90485 / SAO 186838) ye una estrella de magnitú aparente +5,91 asitiada 1,5º al oeste de Kaus Medius (δ Sagittarii) na constelación de Saxitariu. Alcuéntrase a 118,5 años lluz del Sistema Solar. Dende 2003 conozse la esistencia de dos planetes n'órbita alredor d'esta estrella.
HD 169830 ye una nana mariella de tipu espectral F7VHIP 90485 - Star (SIMBAD) o F8V.HD 169830 (The Estrasolar Planets Encyclopaedia) Con una temperatura efectivo de 6266 K y 4,6 vegaes más lluminosa que'l Sol, ye una estrella asemeyada a Asellus Primus (θ Bootis), pero ta 2,5 vegaes más alloñada qu'ésta. El so radiu ye un 80% más grande que'l radiu solar y xira sobre sigo mesma con una velocidá de rotación proyeutada de 3,8 km/s.
HD 169830 tien una elevada metalicidá, con una bayura relativa de fierro un 62% mayor que la del Sol. Amuesa un arriquecimientu similar de titaniu, non tan acusáu pa elementos como níquel, siliciu y sodiu, con conteníos percima de los valores solares en redol al 25%. La so masa ye aproximao un 40% mayor que la del Sol y la so edá envalórase en 4950 millones d'años.
Sistema planetariu
El primer planeta, HD 169830 b, afayóse en 2000 y tien una masa mínimo casi 3 vegaes mayor que la masa de Xúpiter. A una distancia de 0,8 UA de la estrella —un 20% más cerca que la Tierra del Sol—, completa una órbita cada 226 díes.
El segundu planeta, HD 169830 c, alcuéntrase más alloñáu, a una distancia similar a la que s'atopa'l cinturón d'asteroides respectu al Sol. Tien una masa 4 vegaes mayor que la de Xúpiter y completa una órbita cada 2102 díes. Afayóse en 2003.
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Planetes estrasolares Categoría:Constelación de Saxitariu