HD 188753 ye un sistema estelar triple asitiáu a unos 149 años lluz del Sistema Solar na constelación del Cisne. El sistema tamién ye conocíu como ADS 13125 y WDS 19550+4152.HD 188753 (SIMBAD) De magnitú aparente +7,43, ye bien tenue pa ser reparáu a simple vista pero pue vese con un pequeñu telescopiu. La so duplicidá visual afayóse en 1895 por George Washington Hough. Anque en 2005 anuncióse'l descubrimientu d'un planeta estrasolar alredor de la componente principal del sistema, posteriores estudios cuestionaron la so esistencia.
Sistema estelar thumb|260px|Impresión artística de les órbites del sistema.
La estrella principal del sistema, HD 188753 A, ye una nana mariella de tipu espectral G8V.HD 188753 A (SIMBAD) Tien 1,06 mases solares y una temperatura superficial de 5750 K. Alredor d'ella, a una distancia media de 12,3 UA, atópense dos estrelles bien próximes ente sigo con una masa conxunto de 1,63 mases solares. Completen una vuelta alredor de la nana mariella cada 25,7 años nuna órbita notablemente escéntrica (ε = 0,50).
La estrella secundaria, HD 188753 Ba, ye una nana naranxa de tipu K0VHD 188753 B (SIMBAD) que la so masa equival al 69% de la masa solar. La so compañera estelar, HD 188753 Bb, ye una nana colorada de tipu M. Separaes ente sigo tan solo 0,66 UA, tienen un periodu orbital de 156 díes. L'enclín del planu orbital del subsistema Ba-Bb ye casi igual al enclín del planu orbital A-BaBb, polo que'l conxuntu del sistema tien práuticamente una configuración coplanar.
Con una edá envalorada de 5600 millones d'años, el sistema ye daqué más antiguu que'l Sol.
Posible sistema planetariu thumb|250px|left|Triple puesta de sol en HD 188753 Ab. (NASA/JPL-Caltech).
El posible planeta, denomináu HD 188753 Ab, afayóse en 2005 pol astrónomu polacu Maciej Konacki, del Institutu de Teunoloxía de California, usando'l telescopiu Keck I nel visu del monte Mauna Kea en Ḥawai. Sicasí, posteriores estudios llevaos a cabu col espectrógrafu ELODIE cuestionaron la so esistencia.
El planeta orbitaría alredor de la estrella principal cada 3,35 díes (80,3 hores) a una distancia media de 0,045 UA —una ventena parte de la distancia ente la Tierra y el Sol—, siendo del tipu «Xúpiter caliente». La so masa mínimo sería un 14% mayor que la masa de Xúpiter. Si se confirma la so esistencia, sería'l primer sistema estelar triple qu'alluga un planeta.HD 188753 Cygni (Stars, Jim Kaler) Los sistemes estelares múltiples nun suelen incluyise na busca d'exoplanetes, yá que hasta agora nun esistíen pruebes de que pudieren formase nesti tipu de sistemes.
Esti tipu de planetes en sistemes de dellos soles fueron denominaos «planetes Tatooine», pola so semeyanza col planeta Tatooine de la saga de Star Wars.
Enllaces esternos Un científicu de la NASA afaya un mundu con puestes de Sol triples'' HD 188753 Estrasolar Visions
Referencies
Categoría:Estrelles Categoría:Nanes marielles Categoría:Nanes naranxes Categoría:Nanes coloraes Categoría:Planetes estrasolares Categoría:Constelación de Cygnus Categoría:Sistemes planetarios