Iota Pegasi (ι Peg / 24 Pegasi)NSV 14034 - Spectroscopic binary (SIMBAD)Iota Pegasi (The Bright Star Catalogue) ye un sistema estelar na constelación de Pegasu asitiáu a 38,3 años lluz del Sistema Solar. De magnitú aparente +3,77, ocupa'l novenu llugar por rellumu na so constelación.
La componente principal del sistema, Iota Pegasi A, ye una estrella blancu-mariella de la secuencia principal de tipu espectral F5V. Con una temperatura superficial de 6426 K,relluma con una lluminosidá 3,3 vegaes mayor que la lluminosidá solar, siendo'l so diámetru ente un 40% y un 50% más grande que'l del Sol. Xira sobre sigo mesma con una velocidá de rotación proyeutada de 7,5 km/s, implicando que'l so periodu de rotación ye igual o inferior a 9,6 díes. Tien una masa de 1,32 mases solares.Iota Pegasi (Stars, Jim Kaler)
A una distancia de 0,119 UA de la componente A —un 30% de la distancia que dixebra a Mercuriu del Sol— orbita Iota Pegasi B, una nana mariella que, d'alcuerdu a la so espectru, tien tipu G8V. Ye una estrella menos lluminosa que'l Sol con una masa de 0,80 masa solar. Emplega namái 10 díes, 5 hores y 3 minutos en completar una vuelta alredor de la so compañera a lo llargo d'una órbita práuticamente circular (ε ≈ 0). El planu orbital ta inclináu 77,6º respectu al planu del cielu.
El sistema tien una metalicidá inferior a la solar, siendo la so bayura relativa de fierro ente'l 65% y el 89% de la esistente na nuesa estrella. La so edá averada ye de 2400 - 2500 millones d'años.
Ver tamién Llista d'estrelles brilloses más cercanes
Referencies
Enllaces esternos Iota Pegasi (Solstation)
Categoría:Estrelles Categoría:Nanes marielles Categoría:Estrelles binaries Categoría:Constelación de Pegasu