Ni Aquilae (ν Aql / 32 Aquilae)32 Aquilae (SIMBAD) ye una estrella asitiada na constelación del Águila. Al igual que Sadalmelik (α Aquarii) o ζ Aquarii, alcuéntrase mui cerca del ecuador celeste, que crució dende l'hemisferiu sur al norte alredor del añu 1830. Tien magnitú aparente +4,69 y alcuéntrase a unos 2800 años lluz del Sistema Solar.
Ni Aquilae ye una superxigante blancu-mariella de tipu espectral F2Ib. Tien una temperatura efectivo de 6805 K y una lluminosidá 21.000 vegaes superior a la del Sol, la mayor parte de la so enerxía radiada dientro del espectru visible. A partir de la so temperatura y lluminosidá puede envalorase el so radiu, siendo ésti 104 vegaes más grande que'l del Sol, que correspuende a 0,48 UA. La so velocidá de rotación ye de, siquier, 12 km/s, polo que'l so periodu de rotación puede durar hasta 1,2 años.Nu Aquilae (Stars, Jim Kaler)
Ni Aquilae amuesa una metalicidá bien paecida a la solar ([Fe/H] = -0,03). Sicasí, al igual qu'otres superxigantes de tipu A-G, ta notablemente arriquecida en nitróxenu ([N/Fe] = +0,81), consecuencia del entemecíu fondu mientres la fase de xigante/superxigante colorada. La so masa envalorada ye de 11,9 mases solares, polo que supera la llende a partir del cual les estrelles rematen la so vida españando como supernoves. Tien una edá averada de 16,1 ± 0,6 millones d'años.
Ver tamién Llista d'estrelles más grandes conocíes
Referencies
Categoría:Estrelles Categoría:Superxigantes marielles Categoría:Constelación d'Aquila