NN Apodis (NN Aps / HD 137509 / HIP 76011)V* NN Aps - Variable Star of alpha2 CVn type (SIMBAD) ye una estrella variable na constelación del Apus, el ave del paraísu. Catalogada como variable Alfa2 Canum Venaticorum —clase tipificada por Cor Caroli (α2 Canum Venaticorum)—, el so rellumu bazcuya ente magnitú aparente +6,86 y +6,92.NN Aps (General Catalogue of Variable Stars) Alcuéntrase a 812 años lluz de distancia del Sistema Solar.
NN Apodis ye una estrella blancu-azulada de tipu espectral B9p, la cual, con una edá averada de 77 millones d'años, ta casi nel ecuador de la so estancia dientro de la secuencia principal. Ye una estrella químicamente peculiar que presenta una notable sobreabundancia de siliciu, fierro, cromu y titaniu en rellación al Sol. Nel otru estremu, la so atmósfera ta emprobecida tocantes a heliu, calciu y magnesiu. Tien un fuerte campu magnéticu —el so campu magnéticu superficial algama los 2900 G—, siendo'l segundu más intensu ente les estrelles químicamente peculiares dempués de la conocida Estrella de Babcock.
NN Apodis tien una temperatura efectivo de 11.910 K, siendo'l so radiu 3,2 vegaes más grande que'l radiu solar. Relluma con una lluminosidá 185 vegaes mayor que la del Sol y ye ente 3,4 y 3,9 vegaes más masiva qu'ésti.
Referencies
Categoría:Estrelles Categoría:Estrelles variables Categoría:Variables Alfa2 Canum Venaticorum Categoría:Constelación de Apus