Omega Sagittarii (ω Sgr / 58 Sagittarii / HD 188376 / HR 7597)LTT 7872 -- High proper-motion Star (SIMBAD) ye una estrella na constelación de Saxitariu de magnitú aparente +4,70. Alcuéntrase nel estremu noroeste del Terebellum, asterismu formáu por un cuadriláteru d'estrelles. Asitiada a 78 años lluz de distancia del Sistema Solar, ye la más cercana ente les cuatro estrelles d'esti asterismu.
Omega Sagittarii ye una estrella de tipu espectral G5 y 5452 K de temperatura efectivo catalogada como nanaTerebellum (The Bright Star Catalogue) o subxigante. Los sos valores de lluminosidá —7,4 vegaes superior a la del Sol— y diámetru —2,9 vegaes más grande que'l diámetru solar— son escesivos pa una estrella de carauterístiques asemeyaes al Sol, polo que la so clasificación como G5IV d'alcuerdu a la base de datos SIMBAD paez la más fayadiza. Tampoco hai alcuerdu tocantes a la so edá, que según la fonte consultada pue ser de 4470 o 7400 millones d'años. La so masa envalorada ye un 40% mayor que la masa solar y la so metalicidá —bayura relativa d'elementos más pesaos que'l heliu— ye namái un 7% inferior a la del Sol.
Estudios fechos col Telescopiu espacial Spitzer nun detectaron n'Omega Sagittarii un escesu na emisión de radiación infrarroxo a 24 y 70 μm, de normal acomuñada a la presencia d'un discu circumestelar de polvu.
Referencies
Categoría:Estrelles Categoría:Subxigantes Categoría:Constelación de Saxitariu