Ómicron2 Cancri (ο2 Cnc / 63 Cancri)63 Cnc (SIMBAD) ye una estrella na constelación de Cáncer de magnitú aparente +5,67. Alcuéntrase a 150 años lluz de distancia del Sistema Solar. Comparte denominación de Bayer con Ómicron1 Cancri; dambes estrelles tienen un movimientu propiu similar y atópense a igual distancia, polo que podríen constituyir una binaria bien amplia.
Carauterístiques Ómicron2 Cancri ta catalogada como una subxigante blancu-mariella de tipu espectral F0IV, anque un estudiu señala qu'inda ta na etapa de fusión del hidróxenu, habiendo apenes percorríu una tercer parte de la so trayeutoria dientro de la secuencia principal. La so superficie tien una temperatura de 7852 K y relluma con una lluminosidá 10,3 vegaes superior a la lluminosidá solar.
Con un radiu un 90% más grande que'l radiu solar, xira sobre sigo mesma con una velocidá de rotación igual o superior a 91 km/s. El so periodu de rotación nun supera les 19,2 hores. Tien una masa de 1,73 mases solares y una incierta edá de 300 millones d'años.
Discu circumestelar Ómicron2 Cancri ta arrodiada por un discu circumestelar de polvu y escombros que'l so radiu ye de 43 UA. La temperatura de los granos de polvu consideráu como un cuerpu prietu— ye de 80 K.
Referencies
Categoría:Estrelles Categoría:Subxigantes Categoría:Constelación de Cáncer