QY Aurigae (QY Aur / GJ 268 / HIP 34603)QY Aurigae - Variable of RS CVn type (SIMBAD) ye un sistema estelar na constelación d'Auriga de magnitú aparente +11,47, visualmente asitiáu a 51 minutos d'arcu al sur de 63 Aurigae. Alcuéntrase a 20,0 años lluz de distancia y ye unu de los 100 sistemes más cercanos al Sistema Solar.The One Hundred Nearest Star Systems (RECONS) Les estrelles conocíes más cercanes a esti sistema son Gliese 251 y GJ 1105, a 3,50 y 7,07 años lluz respeutivamente.Stars within 15 light-years of QY Aurigae (The Internet Stellar Database)
QY Aurigae ye una estrella binaria espectroscópica con un periodu orbital de 10,4280 díes. La órbita ye marcadamente escéntrica (ε = 0,34). Les dos estrelles que formen la binaria son nanes coloraes de tipu espectral M5V, siendo la so lluminosidá conxunta igual al 0,089% de la del Sol.QY Aurigae (The Internet Stellar Database) Tienen mases envaloraes equivalentes al 17% y al 16% de la masa solar, siendo estrelles asemeyaes a YZ Ceti o Ross 614 A; esta postrera tamién forma parte d'una binaria de dos nanes coloraes, pero la separación ente dambes ye notablemente mayor.
Una o les dos estrelles de QY Aurigae son estrelles acandilantesQY Aurigae (General Catalogue of Variable Stars) —sufren erupciones que provoquen sópitos aumentos de rellumu—, carauterística común n'otres binaries análogues como Ross 614 o Luyten 726-8, siendo una componente d'esta postrera —UV Ceti— el prototipu de la clase.
Referencies
Categoría:Estrelles Categoría:Nanes coloraes Categoría:Estrelles binaries Categoría:Estrelles variables Categoría:Estrelles acandilantes Categoría:Constelación d'Auriga