Rho Geminorum (ρ Geminorum / 62 Geminorum / HD 58946 / HR 2852) ye un sistema estelar na constelación de Xéminis de magnitú aparente +4,16. Alcuéntrase a 59 años lluz del Sistema Solar.
La componente principal del sistema, Rho Geminorum A (GJ 274 A),LTT 12027 -- High proper-motion Star (SIMBAD) ye una estrella blancu-mariella de la secuencia principal blanca de tipu espectral F0V. Tien una temperatura superficial de 7000 K y ye 5,4 vegaes más lluminosa que'l Sol. El so diámetru ye un 60% más grande que'l diámetru solar y, como correspuende a una estrella de les sos carauterístiques, rota muncho más apriesa que'l Sol —el so velocidá de rotación proyeutada ye de 63 km/s—, siendo el so periodu de rotación igual o inferior a 1,3 díes. Presenta un conteníu metálico (metalicidá) aproximadamente la metá que la solar. Con una masa llixeramente inferior a 1,5 mases solares, la so edá envalórase en 6000 millones d'años.Rho Geminorum (Stars, Jim Kaler)
Rho Geminorum A tien una compañera estelar de magnitú +12,5 visualmente a 3,4 segundos d'arcu. Denominada Gliese 274 B,GJ 274 B -- Star in double system (SIMBAD) ye una nana colorada de tipu M5. La separación real ente les dos estrelles ye de siquier 60 UA y el so periodu orbital supera los 370 años.
Una tercera componente paez completar el sistema. Bien alloñada del par interior —visualmente a 12,6 minutos d'arcu de Rho Geminorum A— ta dixebrada d'ésti siquier 13.500 UA, lo que correspuende a un periodu orbital de más d'un millón d'años. Ye una nana naranxa de tipu K2V y magnitú +7,7.V* V376 Gem -- Variable of BY Dra type (SIMBAD) Ye una variable BY Draconis con un periodu de 11,63 díes que recibe la denominación de V376 Geminorum.V376 Gem (General Catalogue of Variable Stars)
Referencies
Categoría:Estrelles Categoría:Nanes naranxes Categoría:Nanes coloraes Categoría:Estrelles variables Categoría:Variables BY Draconis Categoría:Constelación de Xéminis