RR Lyncis (RR Lyn / HD 44691 / HR 2291)RR Lyncis (SIMBAD) ye una estrella variable na constelación del Llobu cerval que la so magnitú aparente varia ente +5,52 y +6,03.RR Lyncis (General Catalogue of Variable Stars) Alcuéntrase a 272 años lluz de distancia del Sistema Solar.
RR Lyncis ye una binaria eclipsante y una binaria espectroscópica. El so órbita tien un periodu de 9,945 díes con una pequeña escentricidá de 0,08. Los tipos espectrales envaloraos de los dos componentes son A6IV pa la estrella principal y F0V pa la secundaria. La primera, una estrella subxigante, empezó a abandonar la secuencia principal, ente que la segunda inda ta nella. La componente principal ye 3,6 vegaes más lluminosa que la so compañera, siendo'l so radiu 2,57 vegaes mayor que'l radiu solar y la so masa casi'l doble que la del Sol. La estrella secundaria tien un radiu de 1,59 radios solares y una masa de 1,51 mases solares. La separación ente dambes ye de 0,14 UA.
Propúnxose la presencia d'una tercer estrella nel sistema, de bien baxa masa y poco lluminosidá, que la so órbita sería bien escéntrica (ε = 0,96) con un periodu orbital de 39,7 años.
Ver tamién Llista d'estrelles variables
Referencies
Categoría:Estrelles Categoría:Subxigantes Categoría:Estrelles binaries Categoría:Estrelles variables Categoría:Constelación de Llobu cerval