RY Sagittarii (RY Sgr / HD 180093 / HR 7296)RY Sagittarii (SIMBAD) ye'l nome d'una estrella variable de la constelación de Saxitariu. Ta asitiada pocos graos al norte de la llende de la constelación con Corona Australis y davezu la so magnitú ye +7,2. Alcuéntrase a unos 6000 años lluz de distancia del Sistema Solar.RY Sagittarii Jumk.de/astronomie
RY Sagittarii ye una superxigante mariella y estrella variable R Coronae Borealis que'l so rellumu presenta grandes cayíes hasta magnitú +14 aproximao cada dos años. Estos episodios d'escurecimientu débese a la espulsión de polvu de carbonu dende la superficie estelar. La estrella queda somorguiada nel so propiu material hasta qu'adulces s'estena. Esto desplica les rápides cayíes y les recuperaciones lentes nel rellumu. Ye la segunda estrella más brillosa dientro d'esta clase de variables.RY Sagittarii. Surastronómico
L'estudiu detalláu de la curva de lluz de RY Sagittarii amuesa una oscilación secundaria na magnitú, de tipu cefeida, cuando la estrella s'atopa con rellumu máximu. El periodu d'oscilación ye de 39 díes y l'amplitú de 0,5 magnitúes. Estudios recién suxeren qu'esti periodu de pulsación pue tar amenorgando, debíu bien a la rápida evolución de la estrella na fase de post-xigante, o por una perda sustancial de masa.RY Sagittarii (AAVSO)
Afayóse por Jacobus Kapteyn en 1895.
Ver tamién R Coronae Borealis Llista d'estrelles variables
Referencies
Categoría:Estrelles Categoría:Superxigantes marielles Categoría:Estrelles variables Categoría:Constelación de Saxitariu