Sher 25 (NGC 3603 25)Cl* NGC 3603 SMD C25 - Star in Cluster (SIMBAD) ye una estrella asitiada a unos 20.000 años lluz de distancia en NGC 3603, rexón HII na constelación de Carina. Foi identificada per vegada primera por D. Sher en 1965. Ye considerada una de les principales candidates pa esplotar como supernova nun futuru próximu.Sher 25 (Jumk.de/astronomie)
De magnitú aparente +12,2, Sher 25 ta clasificada como una superxigante azul de tipu espectral B1.5Iab. Con una masa de cerca de 60 mases solares y una lluminosidá equivalente a 300.000 soles, ta arrodiada por una nebulosa d'emisión que contién un aniellu ecuatorial y probablemente unos filamentos bipolares de fluxu molecular, similar en morfoloxía, masa y cinemática a la envoltura visible güei alredor de SN 1987A. La mesma estrella recuerda a Sanduleak -69° 202a, la proxenitora de la supernova SN 1987A, asocedida na Gran Nube de Magallanes.Sher 25 in NGC 3603: A Galactic counterpart of SN 1987 A's proxenitor
La semeyanza ente les nebuloses suxer que l'estáu evolutivu de Sher 25 pue ser similar al de la proxenitora de SN 1987A. Sicasí, esisten diferencies ente les nebuloses, implicando hestories evolutives desiguales, que pueden atribuyise a les distintes bayures ente les poblaciones nueves de la Gran Nube de Magallanes y de la Vía Lláctea, según a diferencies ente la masa de dambes estrelles. Sher 25 paez tar nuna fase evolutiva abondo estable mientres les décades pasaes; igualmente, la proxenitora de SN 1987A tampoco destacó como una estrella variable enantes de la so esplosión. En contra de lo que se pensó nun principiu, créese que Sher 25 nun pasó pola fase de superxigante colorada, evolucionando direutamente dende la secuencia principal a superxigante azul. La nebulosa que la arrodia foi probablemente espulsada mientres esta última etapa.
Ver tamién Llista d'estrelles más masives
Referencies
Categoría:Estrelles Categoría:Superxigantes azules Categoría:Constelación de Carina